မန္တလေးတိုင်း၊ သပိတ်ကျင်းမြို့နယ်အတွင်း မန္တလေး-ဗန်းမော်လမ်းနှင့် မန္တလေး-မိုးကုတ်လမ်း ဗျူဟာလမ်းရှိ သပိတ်ကျင်းမြို့နယ်အတွင်း လမ်းပိုင်းများအား ည ၇ နာရီမှ နံနက် ၆ နာရီအထိ ဖြတ်သန်းသွားလာခြင်း မပြုကြရန် သပိတ်ကျင်း PDFအဖွဲ့က ယနေ့ ဇန်နဝါရီလ ၂၅ရက်နေ့တွင် သတိပေးကြေညာသည်။
သပိတ်ကျင်းမြို့နယ်အတွင်း ပြည်သူများအနေဖြင့် ညနေ ၆ နာရီမှ နံနက် ၆ နာရီအတွင်း ပြင်ပသို့ လုံးဝမထွက်ကြရန် ထုတ်ပြန်ကြေညာပြီးဖြစ်သည်။ထ်ုအပြင်ယခုအခါ ပြည်သူ့ကားအယောင်ဆောင် အာဏာသိမ်းစစ်ကောင်စီ အကြမ်းဖက်တပ်ဖွဲ့၏ ကားများကို တိုက်ခိုက်သွားမည်ဖြစ်သောကြောင့် ပြည်သူများအနေဖြင့် မန္တလေး-ဗန်းမော်လမ်းနှင့် မန္တလေး-မိုးကုတ်လမ်း ဗျူဟာလမ်းရှိ သပိတ်ကျင်းမြို့နယ်အတွင်း လမ်းပိုင်းများအား ည ၇ နာရီမှ နံနက် ၆ နာရီအထိ ဖြတ်သန်းသွားလာခြင်း မပြုကြရန်နှင့် တားမြစ်ထားမှုကိုမလိုက်နာဘဲ ဖြတ်သန်းသွားလာပါက ဖြစ်ပေါ်လာသည့် အကျိုးဆက်ရလဒ်များအား တာဝန်ယူဖြေရှင်းပေးမည်မဟုတ်ကြောင်း သပိတ်ကျင်းမြို့နယ် ပြည်သူ့ကာကွယ်ရေးတပ်ဖွဲ့က ထုတ်ပြန်အသိပေးသည်။
သပိတ်ကျင်းမြို့နယ်အတွင်း ပြည်သူများအနေဖြင့် စစ်ကောင်စီတပ်၏ ကားများနှင့် အနီးကပ် လိုက်ပါမောင်းနှင်ခြင်းမပြုကြရန်နှင့် စစ်ကောင်စီကားများနှင့် ကွဲပြားခြားနားစေရန် အိမ်စီးကားများကို မှန်တင်မောင်းနှင်ခြင်း၊ နောက်ဖုံးမိုးကာများအုပ်ကာ မောင်းနှင်ခြင်းများကို ရှောင်ရှားကြရန် သပိတ်ကျင်း PDFက သတိပေးထားသည်။
သပိတ်ကျင်းမြို့နယ် ပြည်သူ့ကာကွယ်ရေးတပ်မတော်မှ PDF တပ်သားသစ်များခေါ်ယူနေပြီး ရဲဘော်သစ်များသည် အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန အောက်၌ တာဝန်ထမ်းဆောင်ကြရမည်ဟု ထုတ်ပြန်အသိပေးထားသည်။
Public Service Announcement
