အမေရိကန်နိုင်ငံခြားရေးဝန်ကြီးဌာန အကြံပေးပုဂ္ဂိုလ် Derek Cholletသည် ဘရူနိုင်းနိုင်ငံခြား ရေးဝန်ကြီး II Erywan နှင့် ဆက်သွယ်ကာ မြန်မာ့အကျပ်အတည်းတုံ့ပြန်ရေး ပူးပေါင်းဆောင်ရွက်ရန် ဇန်နဝါရီ ၂၄ ရက်တွင် ဆွေးနွေးခဲ့သည်။
အထက်ပါဆက်သွယ်မှုတွင် အာဆီယံဘုံဖြတ်ချက် ၅ ရပ် အကောင်အထည်ဖော်ရေး နောက်ထပ်ခြေလှမ်းများ၊ မြန်မာပြည်သူများကို ကူညီရေး မြှင့်တင်ဆောင်ရွက်မည့် အခြေအနေများကိုလည်း ထည့်သွင်းဆွေးနွေးခဲ့သည်ဟု Derek Chollet က ၎င်း၏ တွစ်တာ၌ ရေးသားထားသည်။
အကြံပေးပုဂ္ဂိုလ် Derek Chollet သည် အမေရိကန်နိုင်ငံခြားရေးဝန်ကြီးဌာန၏ မြန်မာ့အရေး အထူးကိုယ်စားလှယ်တစ်ဦးအနေဖြင့် ဒေသတွင်းကို ကိုယ်တိုင်လာရောက်ကာ သက်ဆိုင်ရာ နိုင်ငံများ၏ နိုင်ငံခြားရေးဝန်ကြီးများနှင့် ဆွေးနွေးမှုများ မကြာခဏလုပ်ဆောင်နေသူဖြစ်သည်။