တနသ်ာရီတိုင်း ပုလောမြို့နယ်တွင် စစ်ကောင်စီတပ်၏ ဆီသယ်ယာဥ်တန်းအား ပစ်ခတ်တိုက်ခိုက်ခဲ့ကြောင်း ပြည်သူ့ကာကွယ်ရေးတပ်ဖွဲ့(ပုလော)က ယနေ့(ဇန်နဝါရီ ၂၆)ထုတ်ပြန်သည်။
ယနေ့ နံနက်အစောပိုင်း ၁ နာရီခွဲခန့်တွင် ပုလောမြို့နယ် ကျောက်ပုဇွန်တောင်အနီး ထားဝယ်-သ ရက်ချောင်းဘက်မှ မြိတ်မြို့ဘက် မောင်းနှင်လာသော ကားအစီးရေ ၂၂ စီးပါ စစ်ကောင်စီ ၏ ဆီသယ်ယာဥ်တန်းကို တိုက်ခိုက်ခဲ့ခြင်းဖြစ်ပြီး စစ်ကောင်စီတပ်မှ နှစ်ဦးသေဆုံးကြောင်း ထုတ်ပြန်ချက်တွင် ဖော်ပြသည်။
“သတင်းရရချင်း သွားရောက်တိုက်ခိုက်ချေမှုန်းရာ မိုင်းဆွဲရန်အချိန်မမှီ၍ ပစ်ခတ်မှုသာ ဖြစ် ပွားခဲ့သည်”ဟု ပြည်သူ့ကာကွယ်ရေးတပ်ဖွဲ့(ပုလော)က ဆိုသည်။
အဆိုပါပစ်ခတ်မှုတွင် စစ်ကောင်စီတပ်၏ ဆီသယ်ယာဥ်များနောက်မှ လိုက်ပါလာသော လုံခြုံရေးယာဥ်ပေါ်ပါ စစ်ကောင်စီတပ်သားများမှ ရမ်းသမ်း ပြန်လည်ပစ်ခတ်ခြင်းကြောင့် ဒေသခံပြည်သူတစ်ဦး၏ ခြေထောက်တွင် ထိခိုက်ဒဏ်ရာရရှိသွားကြောင်း ထုတ်ပြန်ချက်တွင် ဖော်ပြထားသည်။
Public Service Announcement
“ညတစ်နာရီကျော်လောက်မှ ပစ်ခတ်တဲ့ အသံကြားလိုက်ရတယ်။”ဟု ဒေသခံတစ်ဦးကပြောသည်။
အဆိုပါယာဉ်တန်းတွင် လေယာဥ်ဆီဘောက်ဆာ ၂ စီး၊ တခြားဆီဘောက်ဆာကား ၅ စီး၊ ဆီပေပါတွေတင်ထားသည့် ကား ၅ စီး၊ ရိက္ခာတင်ကား ၄ စီး၊ ပရိဘောဂတွေလို့ ယူဆရတဲ့ပစ္စည်းတင်ကား ၂ စီးနဲ့ ပွိင့်ကား ၂ စီး စသည့်တိုပါဝင်သည်ဟု ဒေသခံများထံမှသိရသည်။
ထို့အပြင်ဇန်နဝါရီ ၂၃ ရက်ကလည်း မွန်ပြည်နယ်၊ ရေးမြို့မှ ထားဝယ်ဘက်ကို မောင်းလာသည့် လေယာဉ် ဆီတင် ကား ၄ စီးကို မိုင်းခွဲတိုက်ခိုက်ခဲ့သေးသည်ဟု ရေဖြူမြို့နယ်ပြည်သူ့ကာကွယ်ရေးတပ်ဖွဲ့ကထုတ်ပြန်ထားသည်။
ရေဖြူမြို့နယ် ၂၈ မိုင် ရန်ကုန်-ထားဝယ်ကားမပေါ်တွင် မိုင်း ၄ လုံးဖြင့် တိုက်ခိုက်ခဲ့ခြင်းဖြစ်သည်။ ထိုယာဉ်တန်းတွင် လေယာဉ်ဆီတင် ကား ၄စီး ၊ ရိက္ခာတင် ကား ၂ စီးနှင့် ရှေ့ပြေးယာဉ်တန်းတို့ပါဝင်သည်ဟု ဒေသခံများထံမှသိရသည်။
