အနာဂတ် ဖက်ဒရယ်ဒီမိုကရေစီ ပဋိဉာဉ် ကို အတည်ပြု နိုင်ဖို့အတွက် အမျိုးသားညီညွှတ်ရေးအတိုင်ပင်ခံကောင်စီ (NUCC) ရဲ့ ပထမဆုံးအကြိမ် ပြည်သူ့ညီလာခံကိုမနက်ဖြန် ဇန်နဝါရီလ ၂၇ရက်မှာစတင်ကျင်းပတော့မယ်လို့သိရပါတယ်။
NUCC ဟာ စစ်အာဏာရှင်အမြစ်ဖြတ်ရေးအတွက် နွေဦးတော်လှန်ရေးမှာ နိုင်ငံရေးအရ အမြင့်ဆုံးမဟာမိတ်စုဖွဲ့ထားတဲ့အဖွဲ့အစည်းဖြစ်ပါတယ်။
NUCC မှာ ဆွေးနွေးသဘောတူညီချက်တွေအရ NUG အစိုးရ ပေါက်ဖွားလာတာဖြစ်ပြီး NUCC က မူဝါဒတွေချမှတ်ကာ NUG က အကောင်အထည်ဖော်ရတာပါ။
NUCC မှာဆိုရင် အာဏာသိမ်းတာကိုလက်မခံကြတဲ့ လွှတ်တော်ကိုယ်စားလှယ်တွေ ၊တိုင်းရင်းသားလက်နက်ကိုင်အဖွဲ့အစည်းတွေ ၊ နွေဦးတော်လှန်ရေးအင်အားစုတွေ ၊ CDM အင်အားစုတွေ ၊ အလုပ်သမားသမဂ္ဂတွေ ၊ အရပ်ဘက်အဖွဲ့အစည်းတွေ ၊ သပိတ်ကော်မတီတွေပါဝင်ကြပါတယ်။
Public Service Announcement
NUCC ဟာအနာဂတ်မှာ မြန်မာနိုင်ငံရှေ့ဆက်သွားမယ့် ဖက်ဒရယ်ဒီမိုကရေစီပဋိဉာဉ်ကို ရေးဆွဲနေကြတာဖြစ်ပြီး အဲဒီပဋိဉာဉ်ကို အခုပထမဆုံးအကြိမ် ကျင်းပမယ့် ပြည်သူ့ညီလာခံမှာအတည်ပြု နိုင်ဖို့ ကြိုးပမ်းကြမှာပါ။
NUCC ရဲ့ ပထမဆုံးအကြိမ် သတင်းစာရှင်းလင်းပွဲကို ပြီးခဲ့တဲ့ နိုဝင်ဘာလအတွင်းက ပထမဆုံးအကြိမ် ကျင်းပခဲ့ပါတယ်။
အဲဒီသတင်းစာရှင်းလင်းပွဲမှာ ပြောကြားချက်အရတော့ NUCC ရဲ့ ပြည်သူ့ညီလာခံကို ၆ လ ၁ကြိမ်ခေါ်ယူမှာဖြစ်ကာ NUCC ကို ပိုမိုအားကောင်းဖို့ ဖက်ဒရယ် ဒီမိုကရေစီပဋိဉာဏ်ကို သုံးသပ်နိုင်ကြဖို့အဲဒီညီလာခံမှာဆွေးနွေးကြမယ်လို့သိရပါတယ်။
