အကြမ်းဖက်စစ်ခေါင်းဆောင် မင်းအောင်လှိုင် နှင့် အပေါင်းအပါများ စီစဥ်နေသည့် နေပြည် တော် ဗိုလ်ရှု့ခံအခမ်းအနားတွင်အသုံးပြုမည့် မင်းကွန်းခေါင်းလောင်းကြီးပုံစံတူ ခေါင်းလောင်းရုပ်အား မီးလောင်ဗုံးဖြင့် တိုက်ခိုက်ခဲ့ကြောင်း Local People Defence Force (Sintgaing)က ယနေ့(ဇန်နဝါရီ ၂၆)ထုတ်ပြန်သည်။
ယနေ့နံနက်ပိုင်းက ကျောက်ဆည်မြို့ ရဲစုရပ်ရှိ မင်းအောင်လှိုင် ယတြာချေရန်ပြုလုပ်ထားသည့်ဗိုလ်ရှု့ခံသဘင်တွင် အသုံးပြုမည့် မင်းကွန်းခေါင်းလောင်းကြီးပုံစံတူ ခေါင်းလောင်းရုပ်ကြီးအား မီးလောင်ဗုံးဖြင့် ပစ်ဖောက်ဖျက်ဆီးခဲ့ကြောင်း ထုတ်ပြန်ချက်တွင် ဖော်ပြသည်။
“မင်းကွန်းခေါင်းလောင်းပုံစံတူပေါ့ တစ်ပုံစံတည်း။ (မီးလောင်ဗုံးကြောင့်)မီးမလောင်လိုက်ဘဲ ပျက်စီးမှုပဲရှိသွားပါတယ်။ မနက်ကတည်း က မိုးတွေရွာနေတော့လေ”ဟု LPDF(Sintgaing) တပ်ဖွဲ့ဝင် ရဲဘော်တစ်ဦးက ပြောသည်။
မင်းကွန်းခေါင်းလောင်းကြီးပုံစံတူ ခေါင်းလောင်းရုပ်ပြုလုပ်သည့် ရဲစုရပ်တွင် စစ်ကိုင်းတောင်ရိုးပုံစံတူအပါအဝင် အခြားပုံစံတူရုပ်တုများကို ဝါးနှီးများဖြင့် ယက်လုပ်ဖန်းတီးလျက်ရှိကြောင်း ၎င်းက ဆက်ပြောသည်။
အကြမ်းဖက်စစ်ခေါင်းဆောင် မင်းအောင်လှိုင်နှင့် အပေါင်းအပါများသည် လာမည့် ဖေဖော်ဝါရီ ၁၂ ရက်တွင် နေပြည်တော်၌ ဗိုလ်ရှု့အခမ်းအနားကျင်းပရန် ပြင်ဆင်လျက်ရှိသည်။
Public Service Announcement
