သြစတြေးလျ ရေနံကုမ္ပဏီကြီးလည်း မြန်မာနိုင်ငံကနေ ထွက်ခွာတော့မယ်

မြန်မာ့ကမ်းလွန်ပင်လယ်ပြင်မှာ သဘာဝဓာတ်ငွေ့ထုတ်လုပ်ရေး လုပ်ကိုင်နေတဲ့ သြစတြေးလျ ရေနံကုမ္ပဏီကြီး ဝုဒ်ဆိုက်ဒ်ဟာ စစ်တပ်အာဏာသိမ်းထားတဲ့မြန်မာနိုင်ငံကနေ လုပ်ငန်းတွေရပ်ဆိုင်းကာ ထွက်ခွာတော့မယ်လို့ ကြေညာလိုက်ပါတယ်။

စစ်တပ်အာဏာသိမ်းမှုအပြီး ဆိုးရွားလာတဲ့လူ့အခွင့်အရေးအခြေအနေတွေကြောင့် မြန်မာနိုင်ငံကနေ ထွက်ခွာရတာဖြစ်တယ်လို့ သြစတြေးလျ ရေနံကုမ္ပဏီကြီးကဆိုထားပါတယ်။

မြန်မာနိုင်ငံကနေ ထွက်ခွာနိုင်ဖို့အတွက် သြစတြေးလျ ရေနံကုမ္ပဏီကြီးဟာ ပြင်ဆင်မှုတွေစတင်နေပြီလို့လည်းသိရပါတယ်။

ဒီလို ထွက်ခွာမှုကြောင့် သြစတြေးလျ ရေနံကုမ္ပဏီကြီးဟာ ၂၀၂၁ အတွင်း အမြတ်ငွေ အမေရိကန်ဒေါ်လာ သန်း ၁၃၈ သန်းလောက်ထိခိုက်နစ်နာမှာဖြစ်သလို ရေနံလုပ်ကွက်တစ်ကွက်မှာ ဓာတ်ငွေ့ရှာဖွေရေးအတွက် သုံးထားတဲ့အမေရိကန် ဒေါ်လာ ၇၁ သန်းဟာ နစ်နာသွားမယ်လို့သိရပါတယ်။

Public Service Announcement

” အခြေအနေတွေက ဝုဒ်ဆိုက်ဒ်ကို A -6 လုပ်ကွက်မှာ ရေရှည်ဆက်လက်လုပ်ဆောင်ဖို့ မဖြစ်နိုင်တော့သလို လာမယ့်ကာလတွေမှာလည်းမြန်မာနိုင်ငံမှာဆက်လုပ်ကိုင်ဖို့ မဖြစ်တော့ပါဘူး” လို့ ဝုဒ်ဆိုဒ်ရေနံကုမ္ပဏီကြီးရဲ့ စီအီးအို က ပြောပါတယ်။