အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ သမ္မတ ဦးဝင်းမြင့်အပါအဝင် NLD ထိပ်ပိုင်းခေါင်းဆောင်အများအပြားကို ထိန်းသိမ်းထားဆဲဖြစ်
အမျိုးသားဒီမိုကရေစီအဖွဲ့ချုပ်(NLD)ပါတီ ဗဟိုအလုပ်အမှုဆောင်အဖွဲ့ဝင် ဦးဟံသာမြင့်ကို အကြမ်းဖက်စစ်ကောင်စီက ပြန်လွှတ်ပေးလိုက်ကြောင်း မိသားစုဝင်တစ်ဦးက ပြောသည်။
အကြမ်းဖက်စစ်တပ်က တရားမဝင်အာဏာသိမ်းမှု တစ်နှစ်နီးပါးရှိလာချိန်တွင် အာဏာသိမ်းသည့် ဖေဖော်ဝါရီ ၁ ရက် နံနက်အစောပိုင်းကတည်းက ဖမ်းဆီးသွားခဲ့သည့် ဦးဟံသာမြင့်ကို ယနေ့(ဇန်နဝါရီ ၂၇ ရက်) ပြန်လွှတ်ပေးခဲ့ခြင်းဖြစ်သည်။
မည့်သည်အတွက်ကြောင့် NLD ဗဟိုအလုပ်အမှုဆောင် ဦးဟံသာမြင့်ကို ပြန်လွှတ်ပေးသည်ကို မသိရကြောင်းနှင့် လက်ရှိတွင် ကျန်းမာရေးကောင်းမွန်ကြောင်း ၎င်း၏မိသားစုဝင်တစ်ဦးက ပြောသည်။
Public Service Announcement
အကြမ်းဖက်စစ်ကောင်စီသည် ဦးဟံသာမြင့်ကို ထောင်ဒဏ် ၂ နှစ်အထိ ချမှတ်နိုင်သော ရာဇသတ်ကြီးပုဒ်မ ၅၀၅(က)နှင့်စွဲဆိုခဲ့ခြင်းဖြစ်သည်။
အကြမ်းဖက်စစ်ကောင်စီက ဦးဟံသာမြင့်ကို ပြန်လွှတ်ပေးခဲ့သော်လည်း အခြားသော NLD ထိပ်ပိုင်းခေါင်းဆောင်များ၊ လွှတ်တော်ကိုယ်စားလှယ်များ၊ ပါတီဝင် အများအပြားကို ဖမ်းဆီးထားဆဲဖြစ်သည်။
တဖက်တွင် နိုင်ငံတကာအသိအမှတ်ပြုခံခြင်းမရှိသည့် အကြမ်းဖက်စစ်ကောင်စီသည် လာမည့် အာဆီယံထိပ်သီးညီလာခံကို တက်ရောက်ခွင့်ရရှိရေး အသည်းအသန်ကြိုးပမ်းနေပြီး အလှည့်ကျ ဥက္ကဌ ကမ္ဘောဒီးယားဝန်ကြီးချုပ်က ဘုံဆုံးဖြတ်ချက် ၅ ရပ် အကောင်အထည်
ဖော်မှု တိုးတက်မှု ရှိပါက မြန်မာစစ်ခေါင်းဆောင်ကို ညီလာခံတက်ရောက်ရန် ဖိတ်ကြားထားသည်။
(ဦးဟံသာမြင့်ကို အခန်းအနားတစ်ခုတွင်တွေ့ရစဥ်။
ဓါတ်ပုံ-NLD)
