မြန်မာ့အရေးကို ပိုမိုထိရောက်စွာကူညီနိုင်ရေး မဟာမိတ်နိုင်ငံများနှင့်အတူ အမေရိကန်ကြိုးပမ်းနေဟုဆို

NUG အစိုးရအဖွဲ့ခေါင်းဆောင်များနှင့် အမေရိကန်နိုင်ငံခြားရေးထိပ်တန်းတာဝန်ရှိသူများဆွေးနွေး

အမျိုးသားညီညွတ်ရေးအစိုးရ(NUG)ယာယီသမ္မတဒူဝါလရှီးလ၊ ပြည်ထောင်စုဝန်ကြီးချုပ် မန်းဝင်းခိုင်သန်း၊ နိုင်ငံခြားရေးဝန်ကြီး ဒေါ်ဇင်မာအောင်တို့သည် အမေရိကန်နိုင်ငံခြားရေးဝန်ကြီးဌာန အတိုင်ပင်ခံပုဂ္ဂိုလ် Derek Chollet နှင့် အရှေ့အာရှနှင့် ပစိဖိတ်ရေးရာဗျူရို ဒုတိယလက်ထောက် နိုင်ငံခြားရေးဝန်ကြီး Kin Moy တို့နှင့် ယနေ့(ဇန်နဝါရီ ၂၇ ရက်)တွင် တွေ့ဆုံခဲ့ရာ အမေရိကန် အစိုးရ၏ မြန်မာ့အရေးကြိုးပမ်းဆောင်ရွက်နေမှုကို ရှင်းလင်းပြောကြားခြင်းဖြစ်သည်။

NUG အစိုးရအဖွဲ့ခေါင်းဆောင်များနှင့် အမေရိကန်နိုင်ငံခြားရေးထိပ်တန်းတာဝန်ရှိသူများ အကြား ၁ နာရီကြာ အွန်လိုင်းမှတဆင့် တွေ့ဆုံမှုတွင် NUG က လက်ရှိ မြေပြင်တွေ့ကြုံနေရသည့် စိန်ခေါ်မှုများ၊ လူသားချင်းစာနာထောက်ပံ့ရေးများ၊ တိုင်းရင်းသား အင်အားစု အဖွဲ့အသီးသီးနှင့် ချိတ်ဆက်ဆောင်ရွက်နေမှုများနှင့် လက်ရှိ နိုင်ငံရေးအကြပ်အတည်းကို ကျော်လွှားနိုင်ရေးအာဆီယံနှင့် ကုလအထူးသံကိုယ်စားလှယ်တို့ ကြိုးပမ်းဆောင်ရွက်နေသည့် လုပ်ငန်းစဉ်များကို ဆွေးနွေးခဲ့သည်ဟု ဆိုသည်။

အမေရိကန်နိုင်ငံခြားဝန်ကြီးဌာန အတိုင်ပင်ခံပုဂ္ဂိုလ် Derek Chollet သည် မြန်မာနိုင်ငံဆိုင်ရာ အမေရိကန်အထူးကိုယ်စားလှယ်အဖြစ်လည်း တာဝန်ထမ်းဆောင်နေပြီး မကြာသေးမီရက်များ အတွင်း အင်ဒိုနီးရှား၏ အာဆီယံရေးရာ ညွှန်ကြားရေးမှူးချုပ်၊ ဘရူနိုင်းနိုင်ငံခြားရေးဝန်ကြီး(II) တို့နှင့်ဆက်သွယ်ကာ မြန်မာ့အရေးကို အလေးပေးဆွေးနွေးခဲ့သည်။

Public Service Announcement