တော်လှန်ရေးအောင်မြင်မှုက ပြည်သူလူထုလက်ထဲတွင်သာရှိဟု NUGဝန်ကြီးပြော

▪️အောင်မြင်မှုစိတ်ဓာတ်ဖြင့် အောင်လံထူသည်အထိ ဆက်လက်တိုက်ပွဲဝင်ရန် တိုက်တွန်း

တော်လှန်ရေးအောင်မြင်မှုက ပြည်သူလူထုလက်ထဲတွင်ရှိပြီး ဆက်လက်လုပ်ဆောင်ပါက အောင်မြင်မည်ဖြစ်ကြောင်း အမျိုးသားညီညွတ်ရေးအစိုးရ(NUG)လူ့အခွင့်အရေးဆိုင်ရာဝန်ကြီး ဦးအောင်မျိုးမင်းက ပြောသည်။

ဩစတြီးယားနိုင်ငံရောက် မြန်မာပြည်ဖွားတိုင်းရင်းသားများ၏ စစ်အာဏာရှင်ဆန့်ကျင်ဆန္ဒထုတ်ဖော်ပွဲသို့ တက်ရောက်အမှာစကားပြောကြားစဉ် အောင်မြင်မှုကို ဆက်လက်ဆုပ်ကိုင်ပြီး အားလုံးညီညွတ်စွာ လုပ်ဆောင်ပါက အောင်မြင်မည်ဖြစ်ကြောင်း ထည့်သွင်းပြောကြားသည်။

“ကျွန်တော်တို့ အနေနဲ့ ယုံကြည်ထားဖို့ ကိစ္စတစ်ခုကတော့ အမှန်တရားအတွက်လုပ်ဆောင်နေတဲ့အချိန်မှာ သမိုင်း ပေးတာဝန်ကို ကျေပွန်ကြမယ်။ ဒါနဲ့ပတ်သက်ပြီး အမြဲတမ်းကိုယ့်ကိုယ်ကို သွေးမအေးအောင် လုပ်ဆောင်ကြမယ်ဆိုရင် အောင်မြင်ကြမှာပဲ။ အောင်မြင်မှုက ကျွန်တော်တို့ လက်ထဲမှာပဲ ရှိ ပါတယ်။ ဒီအောင်မြင်မှုကို ဆက်လက်မလုပ်ဆောင်ဘဲ လွှတ်ချလိုက်ရင် အောင်မြင်မှာမဟုတ်ပါဘူး။ ဒါပေမဲ့ အောင်မြင်မှုကို ဆက်လက်ဆုပ်ကိုင်ထားပြီးတော့ အားလုံးညီညီညွတ်ညွတ်နဲ့ အားလုံး မြန်မာပြည်အကျိုးအတွက် လုပ်ဆောင်ကြမယ်ဆိုတဲ့ စိတ်ဓာတ်မျိုးထားမယ်ဆိုရင်တော့ အမှန်တရားအတိုင်းပဲ အောင်မြင်မှာဖြစ်ပါတယ်”ဟု ၎င်းက ပြောသည်။

Public Service Announcement

လက်ရှိအချိန်အထိ စစ်အာဏာရှင်သည် မြန်မာပြည်ကို လက်နက်ဖြင့် ထိန်းချုပ်ရန် ကြိုးစားသော်လည်း မအောင်မြင်သေးဘဲ အရာရာကျဆုံးနေသည်မှာ အားလုံးအသိဖြစ်ကြောင်းနှင့် ပြည်သူလူထုက အောင်မြင်မှုစိတ်ဓာတ်ဖြင့် အောင်လံထူသည်အထိ ဆက်လက်တိုက်ပွဲဝင်ရန် ဝန်ကြီးဦးအောင်မျိုးမင်းက တိုက်တွန်းသည်။