မင်္ဂလာဒုံမြို့နယ်ထဲက စက်ရုံတစ်ရုံမှာ လူ ၇၀၀ ကျော် ကိုဗစ်ကူးစက်ခံထားရတယ်ကို စစ်ကောင်စီရဲ့ကျန်းမာရေးဝန်ကြီးဌာနက ဖေဖော်ဝါရီလ ၁ ရက်က ထုတ်ပြန်ပါတယ်။
အဲဒီစက်ရုံမှာ လူ ၂၂၃၃ ဦးကို စစ်ဆေးရာမှာ ၇၁၈ ဦးမှာ ကိုဗစ်ပိုးတွေ့ခဲ့ရတာပါ။ ဒါပေမယ့်စစ်ကောင်စီဟာ ဘယ်စက်ရုံလဲဆိုတာကို ထုတ်ပြန်ထားတာမရှိပါဘူး။
ပရဟိတအသင်းတွေဆီက စုံစမ်းမှုအရ မှန်ဘီလူးစက်ရုံဖြစ်တယ်လို့ သိရပြီး ပိုးတွေ့လူနာများလို့ အဲဒီစက်ရုံကို ယာယီပိတ်ထားရတယ်လို့သိရပါတယ်။
ပိုးတွေ့လူနာ ၇၀၀ ကျော်ထဲမှာ ၈ ဦးဟာရောဂါလက္ခဏာ ခံစားနေရလို့ ဆေးရုံတင်ထားပြီး ကျန်သူတွေကိုသီးခြားခွဲထားတယ်လို့လည်း စစ်ကောင်စီက ဆိုထားပါတယ်။
Public Service Announcement
ဒီလို ပိုးတွေ့လူနာ ၇၀၀ ကျော်ဟာ အိုမီခရွန်ရောဂါပိုးမဟုတ်ကြောင်း စစ်ကောင်စီက ထုတ်ပြန်ထားပါတယ်။
