လေတပ်ဗိုလ်မှူးကြီးအိမ် အပါအဝင် စစ်ကောင်စီတပ်နှင့် စစ်ရေးပစ်မှတ် ၁၄ ခုကို တိုက်ခိုက်ခဲ့ဟု ရန်ကုန်စစ်ဒေသခွဲ ထုတ်ပြန်

ရန်ကုန်တိုင်းတွင် သုံး ရက်အတွင်း ​စစ်​ကောင်စီလေတပ်ဗိုလ်မှူးကြီးအိမ်အပါအဝင်စစ်ကောင်စီတပ်နှင့် စစ်ရေးပစ်မှတ် ၁၄ ခုကို တိုက်ခိုက်ခဲ့ကြောင်း ရန်ကုန်စစ်ဒေသခွဲ ကွပ်ကဲရေးအဖွဲ့က ယနေ့(ဖေဖော်ဝါရီ ၃)ထုတ်ပြန်သည်။

▪️ကျောက်တံတား

ကျောက်တံတားမြို့နယ် ပန်းဆန်းတန်းလမ်းနှင့် ကမ်းနားလမ်းထောင့်ရှိ စစ်ကောင်စီတပ် ယာဥ်ထိန်းရုံးကို ဖေဖော်ဝါရီ ၁ ရက်နေ့ ည ၈ နာရီတွင် ဗုံးပစ်တိုက်ခိုက်ခဲ့သည်။

▪️တွံတေး

တွံတေးမြို့နယ် စမ်းရွာရှိ Mytel တာဝါတိုင်အစောင့် စစ်သားများအား ဖေဖော်ဝါရီ ၁ ရက်တွင် ပြည်သူ့ကာကွယ်ရေးတပ်ဖွဲ့ဝင်များက ၄၀ မမ ဗုံးသီးဖြင့် ပစ်ခိုက်တိုက်ခဲ့ကြောင်း ထုတ်ပြန်ချက်တွင် ထည့်သွင်းဖော်ပြသည်။

▪️ဥက်ကံ

အလားတူ တိုက်ကြီးမြို့နယ် ဥက္ကမြို့ဘောလုံးကွင်းအနီး စစ်ကောင်စီတပ် စခန်းချထားသည့်နေရာကို ဖေဖော်ဝါရီ ၁ ရက် မနက်ပိုင်းတွင် ACPLF အဖွဲ့က ဖောက်ခွဲတိုက်ခိုက်ခဲ့သည်။

▪️တောင်ဒဂုံ

ဒဂုံမြို့သစ်တောင်ပိုင်း စစ်ကောင်စီတပ်များသွားလာသည့် စည်ပင်ရုံးကို ဖေဖော်ဝါရီ ၁ ရက်နံနက် ၉ နာရီတွင်လည်းကောင်း၊ တောင် မြောက်လမ်းဆုံရှိ ရဲလိုင်းခန်းအနီး ညနေ ၄ နာရီတွင်လည်းကောင်း၊ ဧရာဝဏ်လမ်းရှိ ရဲစခန်းအနီး ညနေ ၄ နာရီရီခွဲတွင်လည်း ကောင်း အသီးသီးတိုက်ခိုက်ခဲ့သည်ဟု ရန်ကုန်စစ်ဒေသခွဲက ဖော်ပြသည်။

▪️ဒေါပုံ

ဒေါပုံမြို့နယ် အောမေတ္တာလမ်းရှိ Mytel တာဝါတိုင်အစောင့် စစ်သားများကို ဖေဖော်ဝါရီ ၁ ရက်ည ၇ နာရီဝန်းကျင်တွင် People’s Force အဖွဲ့က လက်ပစ်ဗုံးဖြင့်တိုက်ခိုက်ခဲ့ရာ စစ်ကောင်စီတပ်သားများ ပြင်းထန်စွာရရှိခဲ့သည်ဟု ထုတ်ပြန်ချက်က ဆိုသည်။

▪️ရွှေပြည်သာ

ရွှေပြည်သာမြို့နယ်တွင်လည်း တိုက်ခိုက်မှု ၃ ကြိမ်ပြုလုပ်ခဲ့ရာ We Love Care ပရဟိတအ ယောင်ဆောင်အဖွဲ့ရှိ စစ်ကောင်စီတပ်ဖွဲ့ဝင်များအား နံနက် ၈ နာရီခွဲတွင် တစ်ကြိမ်၊ ၉ နာရီတွင် တစ်ကြိမ် ဗုံးခွဲတိုက်ခိုက်ခဲ့ကြောင်း ရန်ကုန်စစ်ဒေသခွဲ၏ ထုတ်ပြန်ချက်တွင် ဖော်ပြသည်။

ထို့အပြင် ရွှေပြည်သာ လှော်ကားတာဆုံအနီးရှိ ရဲတပ်ရင်း(၁)သင်တန်းကျောင်းနှင့် စစ်​ကောင်စီတပ်ပိုင် Dagon Beverages ကုမ္ပဏီတို့အား ညနေ ၆ နာရီ ၅၅ ခန့်တွင် ၄၀ မမဗုံးသီးနှစ်လုံးဖြင့် ပစ်ခတ်တိုက် ခိုက်ခဲ့ခြင်း ဖြစ်သည်။

MO 7 အဖွဲ့မှ ရွှေပြည်သာမြို့နယ် ဧရာဝဏ်ပတ်လမ်းရှိ ယာဥ်ထိန်းရဲရုံးအား ဖေဖော်ဝါရီ ၁ ရက်က အဝေးထိန်းဗုံးဖြင့် ဖောက်ခွဲတိုက်ခိုက်ခဲ့ကြောင်း ဆက်လက်ဖော်ပြသည်။

▪️လှိုင်သာယာ

ယမန်နေ့(ဖေဖော်ဝါရီ ၂)ည ၈ နာရီတွင် လှိုင်သာယာမြို့နယ် စစ်တပ် ချည်မျှင်နှင့် အထည်ချုပ်စက်ရုံရှိ စစ်ကောင်စီတပ်နှင့် ကင်းလှည့်နေသည့်တပ်အား BER တပ်ဖွဲ့က အဝေးထိန်းမိုင်းဖြင့် တိုက်ခိုက်ခဲ့ကြောင်း သိရသည်။

ထို့အပြင် ယနေ့(ဖေဖော်ဝါရီ ၃)တွင်လည်း လှိုင်သာယာရှိ စစ်ကောင်စီထောက်တိုင် Mytel တာဝါတိုင်အား နံနက် ၆ နာရီခန့်တွင် PHF အဖွဲ့က ဖောက်ခွဲတိုက်ခိုက်ခဲ့ကြောင်း ရန်ကုန်စစ်ဒေသခွဲက ထုတ်ပြန်သည်။

▪️ရန်ကင်း

အလားတူ ရန်ကင်းမြို့နယ် မိုးကောင်းလမ်းနှင့် အောင်ဇေယျလမ်းထောင့်ရှိ စစ်ကောင်စီယာဥ်ထိန်းရုံးနှင့် CCTV Control Box အား ယနေ့နံနက် ၆ နာရီခန့်တွင် YUG တပ်ဖွဲ့က အဝေးထိန်းမိုင်းဖြင့် ဖောက်ခွဲတိုက်ခိုက်ခဲ့သည်။

▪️မြောက်ဥက္ကလာ

ယနေ့(ဖေဖော်ဝါရီ ၃)နံနက် ၆ နာရီခန့်က မြောက်ဥက္ကလာပမြို့နယ် ၈ ရပ်ကွက် အမှတ် ၁၄၂ ရှိ စစ်ကောင်စီတပ် ခေတ္တ ဒုလေတပ်စခန်းဌာနချုပ်မှူး ဗိုလ်မှူးကြီးအောင်မျိုးကျော်၏ နေအိမ်ကို MO8 တပ်ဖွဲ့ဝင်များက အဝေးထိန်းမိုင်းဖြင့် ဖောက်ခွဲတိုက်ခိုက်ခဲ့ကြောင်း ရန်ကုန်စစ်ဒေသခွဲက ထုတ်ပြန်ထားသည်။