မန္တလေးတိုင်း ငါန်းဇွန်မြို့နယ်တွင် အာဏာသိမ်းစစ်ကောင်စီတပ်အား ဒေသတွင်းမဟာမိတ်လေးဖွဲ့က မိုင်းခွဲတိုက်ခိုက်ရာ အကြမ်းဖက်စစ်တပ်ဘက်မှ သေဆုံးထိခိုက်မှုများရှိနိုင်ကြောင်း Ngazun Fight Stars အဖွဲ့က သတင်းထုတ်ပြန်သည်။
ယမန်နေ့ ဖေဖော်ဝါရီ၃ရက်နေ့ ညနေ ၆နာရီ၃ဝခန့်ကငါန်းဇွန်- ငါန်းမြာလမ်းပေါ်တွင် အကြမ်းဖက်စစ်ကောင်စီ၏ ကားနှစ်စီးနှင့်ဆိုင်ကယ်သုံးစီးအား မိုင်းသုံးလုံးခွဲကာ တိုက်ခိုက်ခဲ့ရာ အကြမ်းဖက်စစ်သားနှစ်ဦး နေရာတွင်ပင် သေဆုံးနိုင်ပြီး အများအပြားထိခိုက်ဒဏ်ရာများရရှိသွားကြောင်း ငါန်းဇွန်ဖိုက်စတားအဖွဲ့က သတင်းထုတ်ပြန်သည်။
“ငါန်းမြာ ဘက်ကနေ ငါန်းဇွန် ကို အပြန်မှာတိုက်ခိုက်ခဲ့တာပါ”ဟု ငါန်းဇွန်ပြည်သူ့ကာကွယ်ရေးအဖွဲ့တာဝန်ရှိသူကPeople’s Spring သို့ ပြောသည်။
အဆိုပါတိုက်ခိုက်မှုကို ငါန်းဇွန် ပ.က.ဖ၊ NgaZuns Heroes၊ GTR MMU အဖွဲ့များနှင့်အတူပူးပေါင်းဆောင်ရွက်ခဲ့ခြင်းဖြစ်ပြီး အဖွဲ့သားများ ဘေးကင်းလုံခြုံစွာ ဆုတ်ခွာနိူင်ခဲ့သည်ဟု ငါန်းဇွန်ဖိုက်စတားကအသိပေးသည်။
Public Service Announcement
ငါန်းဇွန်မြို့နယ်တွင် ဇန်နဝါရီ ၅ ရက်က ငါန်းဇွန်မှ တံတားဦးဘက်သို့ ထွက်လာသော စစ်ကောင်စီကား တစ်စီးကို သူနတ်စစ်ရွာ အနီးတွင် ဒေသတွင်းပြည်သူ့ကာကွယ်ရေးအဖွဲ့များက မိုင်းဖောက်ခွဲတိုက်ခိုက်ခဲ့ရာ အကြမ်းဖကစစ်တပ်ဘက်မှသုံးဦးထက်မနည်းသေဆုံးခဲ့သည်။
