●စစ်ကောင်စီတပ်က မွေ့တုံရွာနှင့်ပန်းရွာမှ အိမ်ပေါင်းရာချီကိုမီးရှို့ဖျက်ဆီးခဲ့
စစ်ကိုင်းတိုင်း၊ပုလဲမြို့နယ်တွင် အကြမ်းဖက်စစ်ကောင်စီ၏ ယာဥ်တန်းကို မိုင်းဆွဲတိုက်ခိုက်ရာ စစ်ကောင်စီတပ်သား နှစ်ဦးသေဆုံးကာ လေးဦး အပြင်းအထန် ဒဏ်ရာရရှိကြောင်းပြည်သူ့တော်လှန်ရေးတပ်မတော် PRA ဦးဆောင်သူ ဗိုလ်ဂျပန်က လူထုနွေဦးသို့ ပြောသည်။
တိုက်ပွဲ ဖြစ်စဥ်မှာယနေ့(ဖေဖော်ဝါရီ ၄ ရက်) နေ့လည် ၁၂ နာရီ ခန့်က အကြမ်းဖက်စစ်တပ်က မော်တော်ယာဥ်လေးစီး နှင့် ဆိုင်ကယ် တစ်စီးဖြင့် ပုလဲမြို့နယ် ၊မင်းတိုင်ပင်ရွာမှ
ကန့်ဒေါင့်ရွာသို့လာစဥ် ကြားဖြတ်တိုက်ခိုက်ခဲ့ခြင်းဖြစ်သည်။
“ပုလဲမှာဝင်နေတဲ့စစ်ခွေးကအရမ်းများတယ်။ဒါကြောင့် အမှဲ့ခြွေဖို့ကျွန်တော်တို့ စောင့်နေတာကြာပြီ။ဒီနေ့ကတော့စစ်ခွေးအင်အား၃၀ကျော်လောက်နဲ့ လာတာကိုသတင်းအတိအကျရတာနဲ့မိုင်းတွေစောင့်ဆွဲတယ်။အပြန်အလှန်ပစ်တယ်။နေရာမှာ ပွဲချင်းပြီး နှစ်ဦးသေတယ်”ဟု ဗိုလ်ဂျပန်ကရှင်းပြသည်။
Public Service Announcement
ပုလဲ မြို့နယ်အတွင်း အကြမ်းဖက်စစ်တပ်က အင်အား ၃၀၀ ဝန်းကျင်ဖြင့် ရွာစဥ် စစ်ကြောင်းထိုးနေပြီး မီးရှို့ခံကျေးရွာများနှင့် စစ်ဘေးရှောင်နေရသော ပြည်သူများကို ကူညီကြရန်လည်း PRA ခေါင်းဆောင်က မေတ္တာရပ်ခံသည်။
ဇန်နဝါရီ ၃၁ ရက်ကစ၍ ပုလဲမြို့နယ် မွေ့တုံကျေးရွာတွင်တပ်စွဲခဲ့သည့် အကြမ်းဖက်စစ်တပ်သည် မွေ့တုံကျေးရွာအိမ်ခြေ ၂၅၀ခန့်အနက် အိမ်ခြေ(၂၀၀)ထက်မနည်းကိုမီးရှို့ဖျက်ဆီးခဲ့သည်။
ထို့အပြင် အိမ်ခြေ (၈၀၀)ကျော်ခန့်ရှိသောပန်းရွာကျေးရွာရှိ ဖေဖော်ဝါရီ ၁ ရက်က မီးရှို့ခဲ့ပြီးနေအိမ် အလုံး ၂၀၀ ခန့်
လည်း မီးလောင်ကျွမ်းခဲ့သည်။
အကြမ်းဖက်စစ်တပ်၏ ပုလဲမြို့နယ်တွင်း စစ်ကြောင်းများကြောင့်မင်းရွာ၊မွေ့တုံ၊ပန်းရွာ၊ကံပေါက်နှင့် တနယ် ကျေးရွာများမှ ဒေသခံပြည်သူများရွာလုံးကျွတ်စစ်ဘေးရှောင်နေရသည်ဟုလည်း ပုလဲ အခြေစိုက် လူမှုကူညီရေးအဖွဲ့များက ထုတ်ပြန်ထားသည်။
