ကုလဆိုင်ရာ အမေရိကန်နှင့် မြန်မာသံအမတ်ကြီးတို့ တွေ့ဆုံကာ မြန်မာ့အရေးဆွေးနွေး

ဒီမိုကရေစီရရှိရေး မြန်မာပြည်သူများကိုပေးထားသည့် ကတိကဝတ်ကို မဆုတ်မနစ်ဆက်လက် လုပ်ဆောင်မည်ဟု ကုလသမဂ္ဂဆိုင်ရာ အမေရိကန်သံအမတ်ကြီး လင်ဒါဂရင်းဖီးလ်က ပြော သည်။

ကုလသမဂ္ဂဆိုင်ရာအမေရိကန်သံအမတ်ကြီးနှင့် ကုလသမဂ္ဂဆိုင်ရာ မြန်မာသံအမတ်ကြီးဦးကျော်မိုးထွန်းတို့သည် ဖေဖော်ဝါရီ ၃ ရက်တွင် နယူးယောက်၌ တွေ့ဆုံခဲ့ရာ မြန်မာနိုင်ငံ ဒီမိုကရေစီလမ်းကြောင်းပေါ်ရောက်ရှိရေး ကြိုးပမ်းမှုနှင့် မြန်မာပြည်သူများအတွက် အမေရိကန်၏ မဆုတ်မနစ်သော ကတိကဝတ်တို့ကို ဆွေးနွေးခဲ့သည်ဟု သံအမတ်ကြီး လင်ဒါဂရင်းဖီးလ်က ထုတ်ပြန်သည်။

ပြီးခဲ့သည့် ဖေဖော်ဝါရီ ၁ ရက် စစ်အာဏာသိမ်းမှု ၁ နှစ်ပြည့်တွင်လည်း အမေရိကန်သံအမတ်ကြီးက ကုလသမဂ္ဂလုံခြုံရေးကောင်စီအနေဖြင့် မြန်မာပြည်သူများခံစားနေရခြင်းအဆုံးသတ် ရေး၊ မြန်မာကို စစ်လက်နက်စီးဆင်းမှုရပ်တန့်ရေး၊ နိုင်ငံရေးအကျဉ်းသားများပြန်လွှတ်ပေးရေး နှင့် နိုင်ငံရေးဖြစ်စဉ်ဆီပြန်သွားရေးတို့အတွက် လက်တွေ့ကျကျ အရေးယူလုပ်ဆောင်ရန် တိုက် တွန်းခဲ့သည်။

ကုလသမဂ္ဂလုံခြုံရေးကောင်စီ၏ ထုတ်ပြန်ချက်များသည် လုံလောက်မှုမရှိဘဲ ယခုထက်ပိုမိုအရေး ယူလုပ်ဆောင်ရန် လိုအပ်ကြောင်း သံအမတ်ကြီး လင်ဒါဂရင်းဖီးလ်က ထောက်ပြခဲ့ သည်။

Public Service Announcement