●တော်လှန်ရေးအောင်ပြီးလျှင် ချိတ်ပိတ်ခံရသောအိမ်မှာပင်ပြန်နေမည်ဟု ယာယီရဲမှူးတင်မင်းထွန်းပြော
ရန်ကုန်တိုင်း သတင်းရဲတပ်ဖွဲ့မှ CDM ပြုလုပ်ခဲ့သူ ယာယီရဲမှူးတင်မင်းထွန်း၏နေအိမ်ကို စစ်ကောင်စီတပ်က ချိတ်ပိတ်လိုက်ကြောင်း ရဲမှူး၏ နေအိမ်တည်ရှိရာ မြောက်ဥက္ကလာပမြို့ နယ်မှဒေသခံများက ပြောသည်။
မြောက်ဥက္ကလာပမြို့နယ် (စ)ရပ်ကွက် သန္တာ(၄)ရှိ ယာယီရဲမှူးတင်မင်းထွန်း၏နေအိမ်ကို စစ်ကောင်စီက ယမန်နေ့(ဖေဖော်ဝါရီ ၇)ညနေပိုင်းတွင် လာရောက်ချိတ်ပိတ်ခဲ့ခြင်းဖြစ်ကြောင်း ဒေသခံများထံမှ သိရသည်။
ရန်ကုန်တိုင်းသတင်းရဲတပ်ဖွဲ့ ယာယီရဲမှူးတင်မင်းထွန်းသည် ပြီးခဲ့သည့် ဖေဖော်ဝါရီလဆန်းကတည်းက အာဏာဖီဆန်ရေး အကြမ်းမဖက်လှုပ်ရှားမှု(CDM)တွင် ပါဝင်ခဲ့သူတစ်ဦး ဖြစ်သည်။
၎င်းသည် ရဲတပ်ဖွဲ့ဝင်များတွင် အစောဆုံး CDM ပြုလုပ်
သည့် အရာရှိအဆင့် တပ်ဖွဲ့ဝင်တစ်ဦးဖြစ်ပြီး CDM ပြုလုပ်ကာ ပြည်သူ့ဘက်ရပ် တည်ချိန်တွင် ရဲဝန်ထမ်းလုပ်သက် ၃၁ နှစ်ရှိပြီ ဖြစ်သည်။
ရဲမှူးတင်မင်းထွန်း၏နေအိမ်အား အကြမ်းဖက်စစ်ကောင်စီမှ လာရောက်ချိတ်ပိတ်စဥ် ရဲမှူးနှင့် မိသားစုမှာ CDM ပြုလုပ်ပြီးနောက်ပိုင်း မြောက်ဥက္ကလာပမြို့နယ်နေအိမ်မှ တိမ်းရှောင်နေခဲ့သဖြင့် အကြမ်းဖက်စစ်ကောင်စီ၏ဖမ်းဆီးခြင်း မခံခဲ့ရပေ။