Connect with us

Hi, what are you looking for?

LuduNwayOo

News

အကြမ်းဖက်စစ်ကောင်စီ ဝါဒဖြန့်ပွဲသို့ ရုရှားနှင့် ဂျပန် နှစ်နိုင်ငံသာ သံအမတ်ကြီးအဆင့်တက်ရောက်

အကြမ်းဖက်စစ်ကောင်စီ၏ နိုင်ငံခြားရေးဝန်ကြီးဌာနက ရုံးစိုက်ရာနေပြည်တော်၌ ရှင်းလင်းပွဲမပြုလုပ်ဘဲ ရန်ကုန်မြို့သို့ လာရောက်ရှင်းလင်းသော်လည်း ရုရှားနှင့် ဂျပန် နှစ်နိုင်ငံမှလွဲ၍ ကျန်သံရုံးများက စစ်ကောင်စီကို အသိအမှတ်မပြုကြောင်း ပြသခဲ့ကြသည်။

▪️သံတမန်မျက်နှာစာတွင် အကြမ်းဖက်စစ်ကောင်စီ ဆက်လက်အရေးနိမ့်နေ

အကြမ်းဖက်စစ်ကောင်စီ၊ နိုင်ငံခြားရေးဝန်ကြီး၏ မြန်မာ့အရေးရှင်းလင်းပွဲသို့ ရုရှားနှင့် ဂျပန်နှစ်နိုင်ငံသာ သံအမတ်ကြီးအဆင့်တက်ရောက်ပြီး တရုတ်၊ အာဆီယံအပါအဝင် ကျန်နိုင်ငံများက သံရုံးအရာရှိများသာ တက်ရောက်ခဲ့ကြောင်း သတင်းရင်းမြစ်အချို့က ပြောသည်။

အကြမ်းဖက်စစ်ကောင်စီ၏ နိုင်ငံခြားရေးဝန်ကြီးဌာနက ရုံးစိုက်ရာနေပြည်တော်၌ ရှင်းလင်းပွဲမပြုလုပ်ဘဲ ရန်ကုန်မြို့သို့ လာရောက်ရှင်းလင်းသော်လည်း ရုရှားနှင့် ဂျပန် နှစ်နိုင်ငံမှလွဲ၍ ကျန်သံရုံးများက စစ်ကောင်စီကို အသိအမှတ်မပြုကြောင်း ပြသခဲ့ကြသည်။

အဆိုပါ ရှင်းလင်းပွဲကို အကြမ်းဖက်စစ်ကောင်စီ နိုင်ငံခြားရေးဝန်ကြီး ၀ဏ္ဏမောင်လွင်၊ အာဏာသိမ်းခေါင်းဆောင်မင်းအောင်လှိုင်၏ အကြံပေးများဖြစ်သည့် ရင်ရင်နွယ်၊ ယဉ်ယဉ်ဦး၊ ဆလိုင်းငွန်ကျုံးလျန် နှင့် အခြားသော အကြမ်းဖက်စစ်ကောင်စီ လက်အောက်ခံများတက်ရောက်ခဲ့သည်ဟု ဆိုသည်။

Public Service Announcement

Public Service Announcement

မြန်မာနိုင်ငံအနှံ့အပြားတွင် စစ်တပ်က ပြည်သူလူထုကို ထင်တိုင်းကြဲ ဥပဒေမဲ့ ဖမ်းဆီးနှိပ်စက်ကာ အကြမ်းဖက်မှုများကျူးလွန်နေသော်လည်း ၀ဏ္ဏမောင်လွင်က နိုင်ငံတော် စီမံအုပ်ချုပ်ရေးကောင်စီသည် စစ်ဘက်အုပ်ချုပ်ရေးမဟုတ်သည်မှာ ထင်ရှားကြောင်း သံတမန်ရှင်းလင်းပွဲ၌ လိမ်လည်သည်။

ထို့အပြင် PDF ၊ NUG နှင့် CRPH တို့ကို အကြမ်းဖက်အဖွဲ့များအဖြစ် စွပ်စွဲပြစ်တင်ပြီး UNCTED ၊ ACCT ၊ ASEANAPOL နှင့် INTERPOL တို့က ရှုတ်ချရန်နှင့် အကြမ်းဖက်မှုတိုက်ဖျက်ရေးတွင် ပူးပေါင်းဆောင်ရွက်ရန် ၀ဏ္ဏမောင်လွင်က တိုက်တွန်းခဲ့သည်။

သို့သော်လည်း လက်တွေ့တွင် တရားမဝင်အာဏာသိမ်းစစ်တပ်၏ အကြမ်းဖက်များကို ချက်ချင်း ရပ်တန့်ရန် အာဆီယံအပါအဝင် ကုလသမဂ္ဂနှင့် နိုင်ငံတကာက တိုက်တွန်းထားပြီး အရပ်သားအစိုးရကို အမြန်ဆုံး အာဏာပြန်အပ်ရန်တောင်းဆိုထားသည်။

အကြမ်းဖက်စစ်ကောင်စီ၏ လူမဆန်သောလုပ်ရပ်များကို အမေရိကန်၊ ဗြိတိန်၊ ဥရောပသမဂ္ဂနှင့် အနောက်နိုင်ငံများက အပြင်းထန်ဆုံးပြစ်တင်ရှုတ်ချကာ မြန်မာစစ်ခေါင်းဆောင်များနှင့် ၎င်းတို့ကို ထောက်ခံသူများ၊ စီးပွားရေးလုပ်ငန်းများကို ပစ်မှတ်ထားပိတ်ဆို့ဒဏ်ခတ်မှုများ ချမှတ်ထားသည်။

ဒေသတွင်းအာဆီယံအဖွဲ့ကလည်း လက်ရှိအချိန်အထိ အကြမ်းဖက်စစ်ကောင်စီကို တရားဝင်အသိ အမှတ်ပြုခြင်းမရှိသေးဘဲ ဘုံဆုံးဖြတ်ချက် ၅ ရပ်အကောင် အထည်ဖော်ရေး တိုးတက်မှုမရှိဟု ဆိုကာ မကြာခင်ကျင်းပမည့် အာဆီယံနိုင်ငံခြားရေးဝန်ကြီးများအစည်းအဝေးသို့ ၀ဏ္ဏမောင်လွင်ကို တက်ရောက်ခွင့်မပေးပေ။

ဆက်စပ်သတင်းများ

သတင်း

စစ်ကောင်စီတပ်စခန်းမှ သိမ်းရသည့် လက်နက်ခဲယမ်းများကို တပ်ရင်းမှူးက ပြသရာ လက်နက်ကြီးလက်နက်ငယ်မျိုးစုံ အလက် ၃၀ကျော်နှင့် ခဲယမ်း၊ ကျည်များစွာ နှင့် စစ်အသုံးအဆောင်ပစ္စည်းများ ကို တွေ့ရသည်။

သတင်း

ဒုချုပ်စိုးဝင်းဒရုန်းနဲ့တိုက်ခိုက်ခံရတယ်ဆိုတာကို စစ်ကောင်စီရဲ့ပြောရေးဆိုခွင့်ရှိသူက ငြင်းဆိုထားပါတယ်။ စစ်​ကောင်စီ​ပြော​ရေးဆိုခွင့်ရှိသူက စစ်​ကောင်စီအတွက် သတင်းဆိုး​တွေဆိုရင် အမြဲ ငြင်းဆို​လေ့ရှိပါတယ် ။

သတင်း

ယ‌နေ့ညနေ ၃နာရီခန့်အထိ ရရှိထားသောသတင်းများအရ မိုးမောက်မြို့ပေါ်တွင် စစ်ကောင်စီလက်နက်ကြီးပစ်ခတ်မှုကြောင့် ကလေးတဦးအပါအဝင် သေဆုံးသူသုံးဦးရှိပြီး တစ်ဦးဒဏ်ရာရာရှိခဲ့ကြောင်း သိရသည်။

သတင်း

တော်လှန်ရေးပူးပေါင်းတပ် သိမ်းပိုက်ထားသည့် ခလရ(၂၇၅)တပ်မှ စစ်ကောင်စီတပ်သားများသည် ပြီးခဲ့သည့် ဧပြီ ၁၀ရက်ညကတည်းက အမှတ်(၂)တံတားသို့ထွက်​ပြေးလာပြီး ခိုလှုံ​နေခြင်းဖြစ်သည်။