အင်းစိန်အကျဥ်းထောင်အတွင်းရှိနိုင်ငံရေး အချုပ် အနှောင်ခံများ၏ အသိပေးကြေညာချက်ဟုဆိုကာ “ကျွန်ုပ်တို့နိုင်ငံရေးအချုပ်နှောင်ခံများသည် (12.2.2022) မှ (14.2.2022) ထိ ၃ရက်တိုင်တိုင် မိမိကိုယ်မိမိ အဟာရဖြတ်ခြင်းပြုကာ နိုင်ငံရေးသိဒ္ဓိတင်သွားမည်ဖြစ်ကြောင်းအသိပေးအပ်ပါသည်။”ဟု အသိပေးထုတ်ပြန်သည်။
ထို့အပြင် ၎င်းနိုင်ငံရေးသိဒ္ဓိတင်မှုအားဖြင့် ကျွန်ုပ်တို့သက်သေထူလိူသည်မှာ – ၁။ စစ်အုပ်စုသည် နိုင်ငံသူ နိုင်ငံသားများမှ လက်ခံယုံကြည်သည့် ဒီမိုကရက်တစ်လူ့ဘောင်တခု၏ နိုင်ငံရေးယုံကြည်ချက်များအား ဖျောက်ဖျက်ရန်အတွက် ပြည်သူလူထုအား လက်နက်ကြီး/ငယ်များနှင့်သတ်ဖြတ်ဖြိုခွဲခြင်း၊ သောင်းနှင့်ချီသော လူပုဂ္ဂိုလ်များအား နံရံများသုံး၍ချုပ်နှောင်ခြင်း၊ ထောင်ဆွေးပုဒ်မများဖြင့်အမိန့်ချခြင်းတို့ကို အာဏာသိမ်းပြီးတနှစ်ကျော်ကာလထိ တစိုက်မတ်မတ်ကျူးလွန်ပြုလုပ်ခဲ့သည်။”ဟု ဖော်ပြထားသည်။
သို့သော် နိုင်ငံရေးအိပ်မက်နှင့် ယုံကြည်ချက်အား အကြမ်းနည်းသုံး၍ နံရံများဖြင့် ဖျောက်ဖျက်ရန်ကြိုးပမ်းမှု မှန်သမျှသည် အချည်းနှီးဖြစ်ပြီး ဒီမိုကရက်တစ်လူ့ဘောင်တခု၏ နိုင်ငံရေးအိပ်မက်နှင့် ယုံကြည်ချက်များသည် မြူတမှုန်မျှ လွင့်ပြယ်မသွားကြောင်းကို ဤနိုင်ငံရေး သိဒ္ဓိတင်မှုအားဖြင့် ကျန်ုပ်တို့သက်သေထူသည်။
၂။ စစ်အုပ်စုကျူးလွန်ခဲ့သော မတရားမှုတိုင်းအတွက် မည်သည့်စကားပြောဆိုမှု၊ မည်သည့်ဆွေးနွေး ညှိုနှိုင်းမှုမျှ မပြုလုပ်လိုသော ကျွန်ုပ်တို့၏သဘောထားများအား ဤနိုင်ငံရေးသိဒ္ဓိတင်မှုအားဖြင့် ကျွန်ုပ်တို့သက်သေထူသည်။”ဟု ထပ်မံဖော်ပြထားသည်။
Public Service Announcement
