ပြည်သူကို ရန်သူလိုသဘေထား ဆက်ဆံနေသည့် အကြမ်းဖက် စစ်ကောင်စီအတွက် အထောက်အကူဖြစ်စေမည့် မည်သည့်လုပ်ရပ်ကိုမဆို ရှောင်ကျဉ်ကြရန် ရှမ်းပြည်နယ်တောင်ပိုင်း ဖယ်ခုံမြို့နယ်ရှိ မိုးဗြဲ ပြည်သူ့ကာကွယ်ရေးတပ်(PDF)က တိုက်တွန်းချက် ထုတ်ပြန် သည်။
ဖယ်ခုံမြို့နယ်အတွင်းရှိ ပြည်သူများအား အကြမ်းဖက် စစ်ကောင်စ၏ ထုတ်ပြန်များကို သုံးစွဲခြင်း၊ ရောင်းဝယ် ဖောက်ကားခြင်း မပြုလုပ်ရန် မိုးဗြဲ PDFက တိုက်တွန်းချက်ထုတ်ပြန်ရာ၌ အထက်ပါအတိုင်း ထည့်သွင်း ဖော်ပြသည်။
ဖယ်ခုံမြို့နယ် ပြည်သူ့အုပ်ချုပ်ရေးအဖွဲ့(ပအဖ)က ဖေဖော်ဝါရီ ၃ရက်က ကြေညာချက်ထုတ်ပြန်ရာ စစ်ကောင်စီ ထုတ်ကုန်ပစ္စည်းများအား တင်သွင်း ရောင်းဝယ်ခွင့် ပိတ်ပင်ကြောင်းနှင့် ဖေဖော်ဝါရီ ၂၈ရက် နေ့မှစပြီး ထပ်မံတင်သွင်းရောင်းဝယ်ခြင်းများလုံး၀ လုံး၀မပြုလုပ်ကြရန် ဖော်ပြထားသည်။ ဆက်လက်ရောင်းဝယ်ခြင်းများတွေ့ရှိပါက သက်ဆိုင်ရာနယ်မြေအလိုက် ပြည်သူ့ကာကွယ်ရေးတပ်ဖွဲ့များ၊ ပြည်သူ့လုံခြုံရေးတပ်ဖွဲ့များနှင့် ပူးပေါင်းအရေးယူသွားမည်ဟုလည်း အသိပေးထားသည်။
ဖယ်ခုံ PDF အနေဖြင့်လည်း ပအဖ၏ ကြေညာချက်ပါအတိုင်း ပြည်သူများ အဆင်ပြေစွာ လိုက်နာဆောင်ရွက်နိုင်ရန် ဖေဖော်ဝါရီ ဒုတိယပတ်အတွင်း ၂ရက်တာကွင်းဆင်းစစ်ဆေးခဲ့ရာ ပြည်သူများ ကိုယ်၌က ပူးပေါင်းပါဝင်လိုကြသည်ဟု ထုတ်ပြန်ထားသည်။
Public Service Announcement
