မြင်းမူမြို့နယ်သို့ ဖြတ်သန်းသွားလာသည့် စစ်ကောင်စီယာဥ်တန်းများကို မိုက်ခွဲတိုက်ခိုက်ခဲ့ပြီး စစ်ကောင်စီဘက်မှ ထိခိုက်သေဆုံးများနိုင်ကြောင်း မြင်းမူမြို့နယ် ပြည်သူ့ကာကွယ်ရေးတပ်ဖွဲ့(MMUPDF)က ယနေ့ (ဖေဖော်ဝါရီ ၁၅) ထုတ်ပြန်သည်။
ယနေ့ နံနက် ၉ နာရီခွဲခန့်က မုံရွာမှ စစ်ကိုင်းမြို့သို့သွားသော ၁၂စီးပါ စစ်ကောင်စီယာဥ်တန်းကို မြင်းမူနယ် အာလ္လကပ္ပရွာနှင့် ဝမ်းပြည့်ရွာကြားတွင် မိုင်းခွဲတိုက်ခိုက်ခဲ့ရာ စစ်ကားနှစ်စီးမိုင်းထိပြီး တစ်စီးပျက်စီးကာ ထိုးရပ်သွားကြောင်း ထုတ်ပြန်ချက်တွင် ဖော်ပြသည်။
ထို့အပြင် ယနေ့ နေ့လယ် ၃ နာရီ ၂၀ခန့်တွင်လည်း စစ်ကိုင်းမှ မုံရွာမြို့သို့သွားသော ယာဥ်လေးစီးပါ စစ်ကောင် စီတပ်ယာဥ်တန်းကို အာလ္လကပ္ပရွာနှင့် ဝမ်းပြည့်ရွာကြားတွင် ဆက်လက်မိုင်းခွဲတိုက်ခိုက်ခဲ့သည်ဟု MMUPDF ၏ ထုတ်ပြန်ချက်က ဆိုသည်။
မိုင်းခွဲတိုက်ခိုက်ခံရခြင်းကြောင့် စစ်ကောင်စီတပ်မှ ယာဥ်တစ်စီး လုံးဝထိမှန်သွားပြီး ထိခိုက်သေဆုံးမှုများနိုင်ကြောင်း MMUPDF က အသိပေးသည်။
Public Service Announcement
စစ်ကောင်စီတပ်ယာဥ်တန်းများအား တိုက်ခိုက်ခဲ့သည့် နှစ်ကြိမ်စလုံးတွင် စစ်ကောင်စီဘက်မှ အသေအပျောက်များနိုင်ကြောင်း MMUPက ထုတ်ပြန်ထားသည်။
တိုက်ခိုက်မှုများကို မဟာမိတ် ၅ ဖွဲ့ဖြစ်သော MMUPDF ၊ မြင်းမူလျှပ်စီး၊ Black Eagle ၊ မြောင် PDF စသည့်အဖွဲ့အစည်းများ ပူးပေါင်းတိုက်ခိုက်ခဲ့ခြင်းဖြစ်ကြောင်း သိရသည်။
ထိုအပြင်စစ်ကောင်စီဘက်မှ မနားတမ်းပြန်လည်ပစ်ခတ်သည့်ကြားမှ ပြည်သူ့ရဲဘော်များ တစ်ဦးတစ်ယောက်မှ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း
မဟာမိတ်အဖွဲ့များက ထုတ်ပြန်သည်။
စစ်ကိုင်းနှင့် ချောင်းဦးမြို့နယ်များရှိ မုံရွာ-မန္တလေးလမ်းမကြီးပေါ်တွင်လည်း ယနေ့နံနက်ပိုင်းကပင် စစ်ကိုင်းနှင့် ချောင်းဦးရှိ ပြည်သူ့ကာကွယ်ရေးအဖွဲ့များက အကြမ်းဖက်စစ်ကောင်စီအဖွဲ့အား သုံးကြိမ်တိုင် တိုက်ခိုက်ခဲ့သေးသည်။
