တင့်ကားများတင်ဆောင်လာသည်ဆိုသော တွဲကားလေးစီးအပါအဝင် ပွိုင့်ကားတစ်စီးကို အရာတော်-မုံရွာ လမ်းပိုင်းတွင် မိုင်းဆွဲတိုက်ခိုက်ခဲ့သည်ဟု သပြေညိုပြောက်ကျားတပ်ဖွဲ့က ယနေ့ (ဖေဖော်ဝါရီ ၁၆)တွင် ထုတ်ပြန်သည်။
အကြမ်းဖက်စစ်ကောင်စီတပ်သည် ဖေဖော်ဝါရီ ၁၄ရက် ည ၁၀နာရီခွဲခန့်က တွဲကားလေးစီးဖြင့် တင့်ကားများကို တင်ဆောင်လာခြင်းဖြစ်ပြီး အထူးပြုလုပ်ဖန်တီးထားသော မိုင်းကြီးများဖြင့် ဖောက်ခွဲတိုက်ခိုက်ခဲ့သည်ဟု သပြေညိုပြောက်ကျားတပ်ဖွဲ့က ဆိုသည်။
“ တင့်ကားတွေ လာမယ်ဆိုတာ သတင်းကြိုရထားတယ်။ကျွန်တော့်တို့ လမ်းကြောင်းကို ချိန်ဆပြီး မိုင်းတွေကို ကြိုပြင်ဆင်ခဲ့တယ်။ဖြစ်စဥ်မှာ ပွိုင့်ကားကတော့ နေရာမှာတင်ကို ထိုးရပ်သွားခဲ့တာ ။ထိခိုက်အသေအပျောက်တော့ အတည်ပြုမရသေးဘူး” ဟု သပြေညိုပြောက် ကျားတပ်ဖွဲ့ တာဝန်ရှိသူတစ်ဦးက ပြောသည်။
ထိုစစ်ဆင်ရေးကို သပြေညိုပြောက်ကျားတပ်ဖွဲ့၊ Ayadaw BoneNaing-PDF(A.B.N.PDF)၊ ပတ္တမြားညီနောင် ပြောက်ကြားတပ်ဖွဲ့ ၊ Knights Of The Red Land (KORL)ပျောက်ကြားတပ်ဖွဲ့၊ Ayar daw Falcon Force(AF2)၊ M.R.T.Fတပ်ဖွဲ့ နှင့် The Guys Of Burma Revolution Force (GBRF) ညီနောင် (၇) ဖွဲ့ တို့မှ ပူးပေါင်းလုပ်ဆောင်ခဲ့သည်ဟု အသိပေးသည်။
Public Service Announcement
မိုင်းဆွဲတိုက်ခိုက်ခဲ့မှုဖြစ်စဥ်တွင် ရဲဘော်များ အထိခိုက်မရှိ အောင်မြင်စွာ ဆုတ်ခွာနိုင်ခဲ့ကြောင်းလည်း သိရသည်။
