▪️အကြမ်းဖက်စစ်ကောင်စီ တက်ရောက်ခွင့်မရှိသည့် နိုင်ငံခြားရေးဝန်ကြီးများအစည်းအဝေး၌ အဆိုပြုခြင်းဖြစ်
အာဆီယံအထူးကိုယ်စားလှယ်အနေဖြင့် အမျိုးသားညီညွတ်ရေးအတိုင်ပင်ခံကောင်စီ(NUCC)နှင့်တွေ့ဆုံဆွေးနွေးရန် မလေးရှားနိုင်ငံခြားရေးဝန်ကြီးက အဆိုပြုလိုက်သည်။
ယနေ့(ဖေဖော်ဝါရီ ၁၇) စတင်ကျင်းပသော အာဆီယံနိုင်ငံခြားရေးဝန်ကြီးများအစည်းအဝေးအတွင်း မလေးရှားနိုင်ငံခြားရေးဝန်ကြီးက ယင်းသို့အဆိုပြုခဲ့ခြင်းဖြစ်ပြီး ဇန်နဝါရီ ၂၇ မှ ၂၉ရက်အထိ ကျင်းပခဲ့သော NUCC ပထမအကြိမ်ညီလာခံ၏ ရလဒ်များကို ကြည့်ရန်လည်း အထူးကိုယ်စားလှယ်ကို တိုက်တွန်းလိုက်သည်။
NUCC သည် အမျိုးသားညီညွတ်ရေးအစိုးရ (NUG) ၊ ရွေးကောက်ခံလွှတ်တော်ကိုယ်စားလှယ်များ၊ နိုင်ငံရေးပါတီများ၊ ကြားကာလပြည်နယ်အတိုင်ပင်ခံကောင်စီခံများ၊ အရပ်ဘက်အဖွဲ့အစည်းများ၊ အကြမ်းမဖက်ငြိမ်းချမ်းစွာဆန္ဒပြသူများ၊ လက်နက်ကိုင်အဖွဲ့အစည်းများစသည့် အင်အားစုများပါဝင်ကာ ဆွေးနွေးရေးနှင့် မူဝါဒ ညှိနှိုင်းရေး ပလက်ဖောင်းတစ်ခုဖြစ်သည်။
Public Service Announcement
အလှည့်ကျဥက္ကဌက မ္ဘောဒီးယားနိုင်ငံ၊ ဖနွမ်းပင်၌ ၂ ရက်တာကျင်းပနေသည့် အာဆီယံနိုင်ငံခြား ရေးဝန်ကြီးများအစည်းအဝေးတွင် မြန်မာ့အရေးကို အလေးထားဆွေးနွေးနေကြခြင်းဖြစ်သည်။
ယင်းအစည်းအဝေးသို့ အကြမ်းဖက်စစ်ကောင်စီ၏ နိုင်ငံခြားရေးဝန်ကြီး တက်ရောက်ခွင့်မရပေ။
