စစ်ကိုင်းတိုင်း၊ ရွှေဘိုမြို့နယ်တွင် အကြမ်းဖက်စစ်ကောင်စီတပ်အား နှစ်ကြိမ်တိုင် မိုင်းဆွဲတိုက်ခိုက်ရာ ငါးဦးထက်မနည်းသေဆုံးနိုင်ကြောင်း နတ်တောင်နဂါး ပြည်သူ့ကာကွယ်ရေးတပ်ဖွဲ့က သတင်းထုတ်ပြန်သည်။
ယမန်နေ့(ဖေဖော်ဝါရီ ၁၆ ရက်) နံနက် ၄း၃၀ အချိန်က စစ်ကိုင်းတိုင်း ရွှေဘိုမြို့နယ်ခွဲ ကျောက်မြောင်းမြို့မှ ကုလားမလက်ကောက်ကျ ကျေးရွာသို့လက်နက်ကြီးများဖြင့် လာရောက်ပစ်ခတ်ပြီး နောက် တပ်ကူထွက်လာသော ဆိုင်ကယ်ခြောက်စီးအား နတ်တောင်နဂါး ပြည်သူ့ကာကွယ်ရေးတပ်ဖွဲ့နှင့်GHOST RIDER special task force (mdy)အဖွဲ့တို့ပူးပေါင်း၍ ရှေ့ထွက်မိုင်းခြောက်လုံးဖြင့် မိုင်းဆွဲတိုက်ခိုက်ခဲ့ရာ ဆိုင်ကယ်လေးစီး ထိမှန်ပြီး အကြမ်းဖက်စစ်သား ငါးဦးနှင့်အထက်သေဆုံးနိုင်ကြောင်းနတ်တောင်နဂါးပြည်သူ့ကာကွယ်ရေးတပ်ဖွဲ့က သတင်းထုတ်ပြန်သည်။
“အခင်းဖြစ်တဲ့အနီးကရွာ ကုလားမလက်ကောက်ကျရွာက ကျောက်မြောင်းမြို့နယ်ခွဲရဲ့တောင်ဘက်မှာရှိပါတယ်။ဧရာဝတီ မြစ်အနီးမှာပါ”ဟု နတ်တောင်နဂါး ပြည်သူ့ကာကွယ်ရေးတပ်ဖွဲ့တာဝန်ရှိသူကပြောသည်။
ထို့အပြင်ကုလားမလက်ကောက်ကျကျေးရွာ မြောက်ဘက်တွင် ပြည်သူများ၏ ကြံခင်းများအား မီးရှို့ပြီး ပြန်ထွက်လာသောစစ်ကောင်စီတပ်နှင့် ပျူစောထီး ခြောက်ဦးအား ရှေ့ထွက်မိုင်း သုံးလုံးဖြင့်ထပ်မံမိုင်းဆွဲတိုက်ခိုက်ခဲ့ရာအကြမ်းဖက်စစ်သားနှင့် ပျူစောထီးလေးဦးထိမှန်ကြောင်း နတ်တောင်နဂါး ပြည်သူ့ကာကွယ်ရေးတပ်ဖွဲ့က အသိပေးသည်။
Public Service Announcement
ကျန်ရှိသော အကြမ်းဖက်စစ်ကောင်စီအဖွဲ့ဝင်များက လက်နက်ကြီးများဖြင့် ပြန်လည်ပစ်ခတ်သော်လည်း ပြည်သူ့ကာကွယ်ရေးတပ်ဖွဲ့ဝင်များ တစ်စုံတစ်ရာ ထိခိုက်ခြင်း မရှိဘဲ ဆုတ်ခွာနိုင်ခဲ့ကြောင်း၊ သို့သော် ဆိုင်ကယ်နှစ်စီးနှင့် ဖုန်းတစ်လုံးဆုံးရှုံးခဲ့ကြောင်းလည်းပါရှိသည်။
ဖေဖော်ဝါရီ ၃ ရက် ညနေ ၅ နာရီခွဲခန့်ကလည်း ဝက်လက်မြို့နယ်၊ သစ်ဆိမ့်အရှေ့ ရွာမှ ရှားကွဲရွာဘက်သို့ အကြမ်းဖက်စစ်ကောင်စီတပ်က ခြေလျှင်စစ်ကြောင်းထိုးလာစဥ် နှစ်နေရာတွင် မိုင်းဆွဲတိုက်ခိုက်ခဲ့ရာ စစ်ကောင်စီတပ်ဘက်မှ ၁၀ဦးထက်မနည်းသေဆုံးဒဏ်ရာရနိုင်ကြောင်း လည်း
နတ်တောင်နဂါး ပြည်သူ့ကာကွယ်ရေးတပ်ဖွဲ့ကထုတ်ပြန်ထားသည်။
