ဂန့်ဂေါမြို့နယ်အတွင်းတွင် အကြမ်းဖက်စစ်ကောင်စီနှင့် ၎င်းလက်ပါးစေများမှ ထုတ်လုပ်သော ထုတ်ကုန်များ၊ဝန်ဆောင်မှုများကို တင်သွင်း၊သယ်ယူ၊ရောင်းချခြင်းများအား တားမြစ်ပိတ် ပင်ထားကြောင်း ဂန့်ဂေါမြို့နယ် ပြည်သူ့အုပ်ချုပ်ရေးအဖွဲ့(ပအဖ)က ထုတ်ပြန်ကြေညာသည်။
ထို့ပြင် တင်သွင်း၊ သယ်ယူ၊ ရောင်းချခွင့် ပိတ်ပင်တားမြစ်ထားသော ထုတ်ကုန်များစာရင်းကို လည်း ထုတ်ပြန်ချက်၌ ဖော်ပြထားရာ အရက်၊ဘီယာ၊အချိုရည်များ၊ ဆေးလိပ်များ၊စားသောက် ကုန်နှင့် လူသုံးကုန်များ၊ Mytel ဆင်းမ်ကတ်နှင့် ငွေဖြည့်ကတ်များ၊ ဘိလပ်မြေများ၊ စစ်တပ်နှင့် ၎င်းဆက်နွယ်ကုမ္ပဏီများ၊ အမည်မည်းစာရင်းပါ ကုမ္ပဏီများမှ ထုတ်လုပ်သော ကုန်ပစ္စည်းနှင့် ဝန်ဆောင်မှုလုပ်ငန်းများ ပါဝင်သည်။
ကြေညာချက်ပါ တားမြစ်ထုတ်ကုန်များကို တင်သွင်း၊သယ်ယူ၊ရောင်းချသည်များအားတွေ့ရှိပါက သက်ဆိုင်ရာ ပြည်သူ့ကာကွယ်ရေးတပ်ဖွဲ့များကတဆင့် ဥပဒေနှင့်အညီထိထိရောက် ရောက် အရေးယူဆောင်ရွက်သွားမည်ဖြစ်ကြောင်းလည်း ဂန့်ဂေါ ပအဖကဖေဖော်ဝါရီ ၁၇ တွင် သတိပေးထားသည်။
အခြားဒေသအသီးသီးတွင်လည်း စစ်ကောင်စီထုတ်ပြန်များ ရောင်းဝယ်ခြင်းမပြုရန် ထုတ်ပြန်ထားပြီး စစ်ကောင်စီဝင်ငွေထောက်တိုင်များကို ပြည်သူများ သပိတ်မှောက်ဆန့်ကျင်ကြရန် တိုက်တွန်းထားသည်။
Public Service Announcement
