ရန်ကုန်မြို့ ဒဂုံမြို့သစ်တောင်ပိုင်းရှိ တောင်မြောက်လမ်းဆုံရဲစခန်းကို ဗုံးပစ်လောင်ချာဖြင့် ပစ်ခတ်တိုက် ခိုက်ခဲ့ကြောင်း မြို့ပြပြောက်ကျားတပ်ဖွဲ့(ACPLF)က ယနေ့(ဖေဖော်ဝါရီ ၂၀)ထုတ်ပြန်သည်။
ယနေ့ နံနက် ၅ နာရီ ၁၈မိနစ်ခန့်က တောင်မြောက်လမ်းဆုံအမှတ်(၂)လမ်းမကြီးပေါ်ရှိ ရဲစခန်းအား M79 ဗုံးပစ်လောင်ချာဖြင့် ပစ်ခတ်တိုက်ခိုက်ခဲ့ခြင်းဖြစ် ကြောင်း ထုတ်ပြန်ချက်တွင် ဖော်ပြသည်။
“တိုက်ခိုက်မှုဖြစ်ပြီးရဲစခန်းအတွင်း အော်ဟစ်သံများနှင့်ရုတ်ရုတ်သဲသဲအခြေအနေကိုသာ ကြားသိခဲ့ရပြီး ထိခိုက်မှုအခြေအနေအသေးစိပ်ကို စုံစမ်းနေဆဲဖြစ်ကြောင်းပြည်သူအားအသိပေးတင်ပြအပ်ပါသည်”ဟု ACPLF က ထုတ်ပြန်သည်။
အာဏာသိမ်းဆန့်ကျင်ရေးနှင့် ပြည်သူ့လွတ်မြောက်ရေးအဖွဲ့(ACPLF)သည် ယမန်နေ့(ဖေဖော်ဝါရီ ၁၉)ညပိုင်းကလည်း ရန်ကုန်မြို့နေရာနှစ်ခုတွင် တိုက်ခိုက်ရေး မက်ရှင်များ ပြုလုပ်ခဲ့သေးသည်။