မန္တလေးမြို့ရှိ အကြမ်းဖက်စစ်ကောင်စီ၏ စစ်ဆေးရေးဂိတ် ဗုံးပေါက်ကွဲမှုဖြစ်ပြီး ရဲမှူးတစ်ဦးအပါအဝင် ခုနှစ်ဦးထိခိုက်ဒဏ်ရာရရှိခဲ့သည်ဟု ဒေသခံများက ပြောသည်။
ယနေ့(ဖေဖော်ဝါရီ ၂၃) ညနေ ၄နာရီခွဲခန့်က ပြည်ကြီးတံခွန်မြို့နယ် ရန်ကုန် – မန္တလေးကားလမ်းနှင့် သခင်ဖိုးလှကြီးလမ်း ရတနာပုံမီးပွိုင့် လမ်းဆုံရှိ ယာဉ်စစ်ဆေးသည့် နေရာ၌ ပေါက်ကွဲမှုဖြစ်ခဲ့ခြင်း ဖြစ်သည်။
“သေတာတော့ မကြာမိသေးဘူး။ဒါပေမယ့် ရဲတွေတော့ တော်တော်ထိသွားတယ်”ဟု ဒေသခံတစ်ဦးက ပြောသည်။
ဗုံးပေါက်ကွဲမှု ဖြစ်စဥ်တွင် ထိခိုက်ခဲ့သူများစာရင်းအရ ရဲမှူးတင်မောင်လင်း၊ ရဲအုပ် အိအိလှိုင်၊ ဒုရဲအုပ် ကိုကိုဖြိုး၊ တပ်သား သီရိလွင်၊ ရဲဒုတပ်ကြပ်မျိုးတင့်ကြည်၊တပ်ကြပ်ကြီး(မီးသတ်) စိုးလင်းအောင်နှင့်ထွေအုပ်ယာဉ်မောင်း ထွန်းထွန်းလင်းတို့ ဖြစ်သည်။
အဆိုပါ ဗုံးခွဲတိုက်ခိုက်မှုကို ၎င်းတို့ လုပ်ဆောင်ခဲ့ခြင်းဖြစ်သည်ဟု Guerilla Force of Manda lay က အသိပေးထုတ်ပြန်ထားသည်။