မန္တလေးမြို့တွင် အစစ်အဆေး၊ ဖမ်းဆီးမှုများရှိသော်လည်း သံဃသမဂ္ဂ (မန္တလေး) ဆရာတော်များက ယနေ့ (ဖေဖော်ဝါရီ ၂၇) ညနေပိုင်း၌ ပြည်သူ့ကာကွယ်လရေးတပ်ဖွဲ့ (PDF)များနှင့် အကျဥ်းထောင်တွင်းမှ မတရားဖမ်းဆီးခံနေရသော ရဲဘော်များ အန္တရာယ်ကင်းစေရန် ပရိတ်ရွတ်မေတ္တာပို့ခဲ့သည်။
ဆရာတော်များသည် ပြည်သူလူထု ကိုယ်စိတ်နှစ်ပါးဆင်းရဲခြင်းမှ အမြန်ဆုံးပျောက်ကင်းစေရန်၊ စစ်ကျွန်မှလွတ်မြောက်ရန် တိုက်ပွဲဝင်နေကြသည့် ကဏ္ဍအသီးသီးမှ တော်လှန်ရေးတပ်သားများ၊ အကျဥ်းထောင်တွင်းက ရဲဘော်များ၊ ပြည်သူ့တပ်သား PDF ရဲဘော်များနှင့် ပြည်သူများ ကျန်းမာ၍ ဘေးအန္တရာယ် ကင်းရှင်းကြပါစေကြောင်း ပရိတ်ရွတ် မေတ္တာပို့ဆုတောင်းပေးခဲ့သည်။
သံဃသမဂ္ဂ ဆရာတော်များသည် နေ့စဉ်မပြတ် ပရိတ်ရွတ် မေတ္တာပို့ဆုတောင်းခဲ့ကြခြင်းဖြစ်ပြီး ယနေ့ရက်ပေါင်း (၃၈၄) ရက်တိုင် ရှိခဲ့ပြီဖြစ်သည်။
