စစ်အာဏာသိမ်းမှု ဆန့်ကျင်ရေးကော်မတီ(ကိုရီးယား)သည် ပြည်တွင်းရှိ ပြည်သူ့ကာကွယ်ရေးတပ်ဖွဲ့ PDF/UG အဖွဲ့ ၁၂ ဖွဲ့ကို ကျပ်သိန်း ၂၀စီ ထောက်ပံ့ကူညီမည်ဖြစ်ကြောင်း မတ်လ ၁ရက်တွင် သတင်းထုတ်ပြန် သည်။
ပြည်တွင်းရှိ PDF/UG အဖွဲ့များထံမှ ထောက်ပံ့ငွေတောင်းခံလွှာ ၁၅စောင် လက်ခံရရှိခဲ့ရာ အမျိုးသားညီညွတ်ရေးအစိုးရ NUG ကာကွယ်ရေးဝန်ကြီးဌာန၊ စီမံ/ဘဏ္ဍာဝန်ကြီးဌာနများကို စိစစ်ရန် တင်ပြပြီးနောက် အချက်အလက်ပြည့်စုံသည့် အဖွဲ့ ၁၂ ဖွဲ့ကို ကူညီထောက်ပံ့ခြင်းဖြစ်ကြောင်း စစ်အာဏာသိမ်းမှုဆန့်ကျင်ရေးကော်မတီ(ကိုရီးယား)က အသိပေးသည်။
အဆိုပါ အဖွဲ့ ၁၂ ဖွဲ့မှာ People’s Defense Force DaLa(ဒလမြို့နယ်)၊ မင်းကင်းမြို့နယ် ပြည့်သူ့ကာကွယ်ရေးတပ်(MKPDF)၊ Kani People Defense Force-1(ကနီမြို့နယ်)၊ ဗမာပြည်သူ့လွတ်လပ်ရေးတပ်မတော်(BPLA)၊ ဗမာ့ဇာမဏီအဖွဲ့ ဗဟိုဌာနချုပ်၊ People Defense Force NTI (နွားထိုးကြီးမြို့နယ်)၊ ဆရာစံYMB PDF(ယင်းမာပင်မြို့နယ်)၊ ကျော်(KYAW -UGW) (ဂန့်ဂေါမြို့နယ်)၊ ဗန်းမော် ပြည်သူ့ကာကွယ်ရေးတပ် Bhomo PDF (Kachin Region)၊ ငါးပြေမ ပြောက်ကျားတပ်ဖွဲ့ (နတ်မောက်မြို့နယ်)၊ Chaung U Revolution Army (C.R.A)(ချောင်းဦးမြို့နယ်)၊ L.W.G.R.F (ခင်ဦးမြို့နယ်) တို့ဖြစ်သည်။
စစ်အာဏာသိမ်းမှု့ဆန့်ကျင်ရေးကော်မတီ(ကိုရီးယား)သည် စစ်အာဏာရှင်စနစ်ဆိုး အမြစ်ပြတ် ရေးအတွက် တောင်ကိုရီးယားရောက် မြန်မာပြည်သူ၊ ပြည်သူများ၏ ချွေးနှဲစာဝင်ငွေများကို လစဉ်စုဆောင်းကာ တော်လှန်ရေးတွင် တတပ်တအားပါဝင်နေခြင်းဖြစ် သည်။
Public Service Announcement
