▪️စစ်ကောင်စီတပ် အထိနာ၍ လေယာဥ်ပစ်ပါခေါ်သုံးခဲ့ရဟု ဗိုလ်ပုလဲပြော
စစ်ကိုင်းတိုင်း ပုလဲမြို့ရှိ ပျူစောထီးအခြေစိုက်စခန်းကို ဝင်ရောက်တိုက်ခိုက်ရာ အကြမ်းဖက်စစ်တပ် အထိနာ၍ လေယာဥ်ပစ်ကူများခေါ်ခဲ့ရသည်ဟု ပုလဲ Jokers PDF ဦးဆောင်သူ ဗိုလ်ပုလဲက လူထုနွေဦးသို့ ပြောသည်။
အကြမ်းဖက်စစ်ကောင်စီတပ်သားနှင့် ပျူစောထီးအဖွဲ့ဝင် စုစုပေါင်းအင်အား ၅၀ခန့်ရှိသည့် ဇီးဖြူကုန်းရွာကို ယမန်နေ့(မတ်လ ၃ ရက်) ည ၆နာရီကျော်ကစ၍ ပြည်သူ့ကာကွယ်ရေး ပူးပေါင်းတပ်များ ဝင်ရောက်တိုက်ခိုက်ခဲ့ခြင်းဖြစ်သည်။
“ကျွန်တော်တို့ အရင်က အကြိမ်ကြိမ်တိုက်တယ် ။ဒီလောက်ထိ ဝင်မစီးနိုင်ခဲ့ဘူး။ ဗိုလ်နဂါးဦးဆောင်တဲ့ အဖွဲ့တွေလည်းပါတယ်။ စစ်ခွေးတပ်ဘက်က အရမ်းအထိနာလာတော့ ညဘက်ကြီး Mi35 ပါလာကူရတာ။ ကျွန်တော် တို့ကတော့ ပုလဲမှာ ပျူစောထီးနဲ့ စစ်ခွေးတပ်လုံးဝ တပ်စွဲမရအောင် တိုက်သွားမယ်”ဟု ဗိုလ်ပုလဲက ရှင်းပြ သည်။
၄နာရီကျော်ကြာတိုက်ပွဲ၌ အကြမ်းဖက်စစ်တပ်နှင့် ပျူစောထီးများသေဆုံးမှုရှိသော်လည်း အတည်မပြုနိုင်သေးဟု ပြောသည်။
ဖေဖော်ဝါရီ ၁၄ ရက်ကလည်း ဇီးဖြူကုန်း(ပျူစောထီး အခြေစိုက်ရွာ)ကို ပုလဲ အခြေစိုက်ပြည်သူ့ကာ ကွယ်ရေးတပ်များ ပူးပေါင်းတိုက်ခိုက်ခဲ့သည်။
အကြမ်းဖက်စစ်ကောင်စီတပ်သည် ပုလဲမြို့နယ်၌ ၎င်း၏ အမာခံ နယ်မြေများကို ဖန်တီးကာ ဇန်နဝါရီ တတိယပတ်ကစ၍ ပျူစောထီးသင် တန်းပေးနေခြင်း ဖြစ်သည်။