မူဆယ်တွင်ပြည်သူစစ်အိမ်တစ်အိမ်​သေနတ်ဖြင့်အပစ်ခံရပြီးပြည်သူ့စစ် ၂ ဦး​​သေ

မူဆယ်မြို့ပေါ် ရပ်ကွက်တစ်ခုတွင် စစ်​ကောင်စီလက်​အောက်ခံ ပြည်သူ့စစ်အိမ်တစ်အိမ် တိုက်ခိုက်ခံရပြီး ပြည်သူ့စစ်နှစ်ဦးသေဆုံးသွားခဲ​ကြောင်း​ဒေသခံအချို့က​ပြောသည်။

မူဆယ်မြို့နယ် မြောက်ရပ်ကွက်ရှိ ပြည်သူ့စစ် အိမ်တစ်အိမ်ကို လက်နက်ကိုင်ဆောင်ထားသူ အမျိုးသားအချို့က သေနတ်ဖြင့် လာ​ရောက်၍ ယနေ့ (မတ်လ ၈ရက်) ​နေ့ခင်းပိုင်းတွင် ပစ်ခတ်ခဲ့ခြင်းဖြစ်သည်။

“အဲ့ဒီအိမ်မှာ အလှူလား မဂ်လာဆောင်လားမသိဘူး။ ပွဲရှိတယ်။ နေ့လယ် တစ်နာရီလောက်က ဝင်ပစ်သွားတာ။ ပစ်သွားတဲ့သူတွေ လွတ်တယ်”ဟု ဒေသခံတစ်ဦးကပြောသည်။

တိုက်ခိုက်ခံရသည့် ပြည်သူ့စစ်အဖွဲ့အမည်ကို အတိအကျမသိရ​သေးသလို ​လာ​ရောက်ပစ်ခတ်သွား​သောအဖွဲ့ကိုလည်းမသိ့ရ​သေး​ပေ။ ပြည်သူ့စစ်အဖွဲ့များသည် အကြမ်းဖက်စစ်ကောင်စီလက်အောက်ခံဖြစ်ပြီး မြို့ခံများအပေါ် လူမှုရေး၊စီးပွားရေးအရအနိုင်ကျင့်ခြင်းများရှိနေ၍ ယခုကဲ့သို့ တိုက်ခိုက်ခံရမှုအတွက် ကျေနပ်ကြောင်း ဒေသခံများကပြောသည်။

Public Service Announcement