ချောင်းဦးမြို့နယ် ကံကြီးကုန်းရွာတိုက်ပွဲတွင် အကြမ်းဖက်စစ်ကောင်စီတပ်နှင့်ပျူစောထီး ၄၀ ဦးထက်မနည်းသေဆုံးခဲ့ကြောင်း ပြည်သူ့ကာကွယ်ရေးအဖွဲ့များက သတင်းယနေ့ထုတ်ပြန်သည်။
ကံကြီးကုန်းရွာတွင် တပ်စွဲထားသည့် အကြမ်းဖက်စစ်ကောင်စီနှင့် ပျူစောထီအင်အား ၆၀ဦးခန့်ကို ချောင်းဦး၊ တောင်သာ၊မြောင် နှင့် မြင်းခြံမြို့အခြေစိုက် ပြည်သူ့ကာကွယ်ရေးမဟာမိတ်များက ယနေ့(မတ်လ ၉ရက်)နံနက်အစောပိုင်းတွင် တိုက်ခိုက်ခဲ့ခြင်းဖြစ်သည်။
” စစ်ခွေးတွေဘက်က ၁၂ယောက်သေတယ်လို့ ပထမကြားတာ။ နောက်တိုးသတင်းအရ စစ်ခွေးနဲ့ ပျူစောထီး ၄၀လောက်သေတယ်။ ချက်ချင်း သဂြိုလ်တဲ့ သတင်းလည်း ရတယ်” ဟုပြည်သူ့ကာကွယ်ရေးအဖွဲ့ဝင်တစ်ဦးပြောသည်။
သို့သော် စစ်ကောင်စီတပ်နှင့် ပျူစေားထီးများသေဆုံးမှုကို People’s Spring ကသီးခြားအတည်မပြုနိုင်သေးပါ။
သုံးနာရီခန့်ကြာသောတိုက်ပွဲတွင်MGN35ပြောက်ကျားတပ်ဖွဲ့ ၊Zero ပြောက်ကျားတပ်ဖွဲ့(မြင်းခြံ)၊ The Value of Young Men(တောင်သာ)၊ MRA(Myaung Revolution Army)အဖွဲ့များက ပူးပေါင်းတိုက်ခိုက်ခဲ့သည်ဟု Chaung U Revolution ကသတင်းထုတ်ပြန်သည်။
စစ်ကောင်စီတပ်နှင့်ပျူစေားထီးများအထိ့နာချိန်တွင် စစ်ကောင်စီတပ်ဘက်မှ စစ်ကူများထပ်မံရောက်လာ၍ PDF တပ်ဖွဲ့များက ပြန်ဆုတ်ခွာခဲ့ပြီး PDFများအထိ့အခိုက်မရှိခဲ့ဟုလည်းသိ့ရသည်။
ကံကြီးကုန်းရွာရှိ စခနှင့်ပျူခွေးများမှာ ပတ်ဝန်းကျင်အား ဒုက္ခပေးဖမ်းဆီးနှိပ်စက်ခြင်း၊ အနီးနားကျေးရွာရှိ ပစ္စည်းများကို အတင်းအဓမ္မ ဓားပြတိုက်ခြင်း၊PDFရဲဘော်များအား ဖမ်းဆီးသတ်ဖြတ်ခြင်း၊ချောင်းမြောင်းတိုက်ခိုက်ခြင်းများ ပြုလုပ်နေ၍ တိုက်ခိုက်ခဲ့ခြင်းဖြစ်ကြောင်း အသေးစိတ် သတင်းထုတ်ပြန်ထားသည်။