●ယင်းမာပင်တွင်စစ်ကြောင်းထိုးနေသောတပ်ကိုဒေသခံPDFများ၏ခုခံတိုက်ပွဲများနေစဥ်ဖြစ်နေ
စစ်ကိုင်းတိုင်း၊ ယင်းမာပင်မြို့နယ်တွင် ပြည်သူ ၁၂ဦးအားသတ်ဖြတ်ခဲ့သည့် အကြမ်းဖက်စစ်ကောင်စီတပ်အားယနေ့နံနက်တွင် ပဒေသာမိုင်း ၁၂ လုံးဖြင့် မိုင်းဆွဲတိုက်ခိုက်ခဲ့ရာ အကြမ်းဖက်စစ်သား သုံးဆယ်ကျော်သေဆုံးသွားကြောင်း ချင်းတွင်းရိုးမမဟာမိတ်တပ်ပေါင်းစုက သတင်းထုတ်ပြန်သည်။
မတ်လ ၈ ရက်နေ့က ယင်းမာပင်မြို့နယ်၊ လက်ပံတောရွာမှ ပြည်သူ ၁၂ ဦးကို သတ်ဖြတ်မီးရှို့ခဲ့သည့် အကြမ်းဖက်စစ်ကောင်စီတပ်သည် ယနေ့ (မတ်လ ၁၁ ရက်နေ့ )နံနက် ၈နာရီ ၄၆မိနစ် ဝန်းကျင်တွင် ယင်းမာပင်မြို့နယ်၊ မျောက်နုံးရွာဘက်သို့ ဆင်းလာရာ ကျွဲကျရွာအနီးအရောက်တွင် ဗိုလ်သူရိန်၏ မိုင်းကွင်းထဲသို့ အကြမ်းဖက်စစ်သားများ ဝင်ရောက်လာခဲ့ပြီး ပဒေသာမိုင်း ၁၂လုံးဆွဲလိုက်ရာ အကြမ်းဖက်စစ်သား ၃၂ ဦးလုံး နေရာမှာတင် ပွဲချင်းပြီး သေဆုံးသွားကြောင်း ချင်းတွင်းရိုးမ မဟာမိတ်တပ်ပေါင်းစု၏ ဗိုလ်သူရိန်တပ်ရင်းက သတင်းထုတ်ပြန်သည်။
“ကာကွယ်ရေးဒုဦးစီးချုပ် မြထွန်းဦးရဲ့ “တပ်မတော်သည် ၂၇ရက်နေ့အတွင်း စစ်ကိုင်းတိုင်းကို အပြတ်ရှင်းရမယ် ဆိုတဲ့အမိန့်ကိုနာခံနေတဲ့ မင်းအောင်လှိုင်ရဲ့လက်ပါးစေ မြထွန်းဦးရဲ့ ၎င်းစခတွေ ချင်းတွင်းရိုးမ မဟာမိတ်တပ်ပေါင်းစု ၏ ဗိုလ်သူရိန်အဖွဲ့ရဲ့ သွေးကြွေးတောင်းမှုကြောင့် ငရဲပြည်သို့ မရှုမလှသွားရတော့တယ်။”ဟု ချင်းတွင်းရိုးမ မဟာမိတ်တပ်ပေါင်းစုက ရေးသားထားသည်။ ယနေ့နံနက် ဗုံးခွဲတိုက်ခိုက်မှုတွင် စစ်ကောင်စီတပ်သေဆုံး ၊ထိ့ခိုက်မှုကို People’s Spring ကသီးခြားအတည်မပြုနိုင်သေးဘဲ ၊အတည်ပြုရန်ကြိုးစားလျှက်ရှိပါသည်။
Public Service Announcement
ထိုအပြင်ယမန်နေ့ မတ်လ ၁ဝ ရက်နေ့ နံနက်ပိုင်းကလည်း ယင်းမာပင်မြို့နယ်၊ အိုးဘိုရွာအနီးတွင် အကြမ်းဖက်စစ်ကောင်စီတပ်အား ပြည်သူ့ကာကွယ်ရေး မဟာမိတ်အဖွဲ့များက မိုင်းခွဲတိုက်ခိုက်ရာအကြမ်းဖက်စစ်သား ၅ ဦး သေဆုံးနိုင်ကြောင်း ယင်းမာပင် PDFက သတင်းထုတ်ပြန်သည်။
“ သီးကုန်း ဘုန်းကြီးကျောင်းကားကိုယူပြီး မိုင်းမိတဲ့ စစ်သားတွေကို သယ်သွားတယ်။ နောက်ပြီးဆိုင်ကယ်တွေကိုလည်း မီးရှို့သွားတယ်”ဟု ဒေသခံတစ်ဦးက ပြောသည်။
စစ်ကိုင်းတိုင်းဒေကြီး၊ ယင်းမာပင်ခရိုင်အတွင်းသို့ အင်အားအများအပြားဖြင့်စစ်ကြောင်းထိုးနေသော အကြမ်းဖက်စစ်ကောင်စီတပ်သည် မတ်လ ၈ရက်နေ့နံနက်ပိုင်းက ကံသာ- လက်ပံတောကျေးရွာတွင် တပ်စွဲထားစဉ် ချင်းတွင်းဂဠုန်ရာဇာပြောက်ကျားတပ်၊ Yinmarbin Local PDF၊ Alpha Special Force၊ Triple Two၊ MTOF၊ SRDF၊ မြောက်ယမားပြည်သူ့ကာကွယ်ရေးတပ်၊ ရွှေတြိဂံတပ်၊ တစ်ကိုယ်တော်သုဘရာဇာနှင့် အခြားသော ညီနောင် မဟာမိတ်တပ်များပူးပေါင်းကာ မြေပြင် ဝေဟင်လှုပ်ရှားမှုများဖြင့် ထိတွေ့တိုက်ပွဲများဖြစ်ပွားခဲ့သည်။
မတ်လ ၉ ရက်နေ့တွင် လက်ပံတော ကျေးရွာမှတဆင့် သီးကုန်းကျေးရွာသို့ပြောင်းရွှေ့တပ်စွဲကာ လူသတ်၊ မီးရှို့အကြမ်းဖက်ယုတ်မာသော စစ်ကောင်စီအုပ်စုအား နေ့လယ် ၂နာရီ ၄၅ မိနစ်အချိန်တွင် ၂ကြိမ်တိုက်ခိုက်ခဲ့ရာ အကြမ်းဖက်စစ်သားများရှိရာနေရာသို့တည့်တည့်ကျကာ အကြမ်းဖက်စစ်သားနှစ်ဦးသေဆုံးပြီး အများအပြားထိခိုက်ဒဏ်ရာ ရရှိနိုင်ကြောင်း၊ နှစ်ရက်တာ ထိတွေ့တိုက်ပွဲများအတွင်း အကြမ်းဖက်စစ်သားများဘက်မှ သေဆုံးထိခိုက်မှုများရှိပြီး ပြည်သူ့ ကာကွယ်ရေးတပ်များဘက်မှ ရဲဘော်တချို့ဒဏ်ရာ(မစိုးရိမ်ရ)ရရှိခဲ့ကြောင်း ယင်းမာပင် PDFက အသိပေးသည်။
မတ်လ ၈ ရက်နေ့က အကြမ်းဖက်စစ်ကောင်စီ၏က ယင်းမာပင်မြို့နယ် လက်ပံတောကျေးရွာရှိ ပြည်သူ၁၂ ဦးကို သတ်ဖြတ်ခဲ့သည်။
