ကရင်နီပြည်နယ်တွင် ယနေ့(မတ်လ ၁၁ ရက်) နံနက် အစောပိုင်း၌ အကြမ်းဖက်စစ်ကောင်စီက တိုက်လေယာဥ်ဖြင့် ဗုံးကြဲပစ်ခတ်မှုကြောင့် ရဲဘော်တစ်ဦးကျဆုံးခဲ့ကြောင်း ကရင်နီအမျိုးသားများကာကွယ်ရေးတပ် (KNDF)တပ်ရင်း-၉ က ထုတ်ပြန်သည်။
စစ်ကောင်စီ၏ တိုက်လေယာဥ်သည် နံနက် ၄နာရီတွင် တစ်ကြိမ် နံနက် ၇နာရီတွင် တစ်ကြိမ် စုစုပေါင်းနှစ်ကြိမ်လာရောက်ဗုံးကြဲခဲ့သည်ဟု ဆိုသည်။
လေယာဉ်ဖြင့် ယုတ်မာစွာပစ်ခတ်ကြဲချမှုများအောက်တွင် အသက်ပေးခဲ့ရသော အာဇာနည်သူရဲကောင်းသည် အသက်ရှင်စဉ်တွင်လည်း ကရင်နီပြည်အတွက် နိုင်ရာ၀န်ထမ်းရင်း အကြမ်းဖက်စစ်ကောင်စီတပ်များကို ပြင်းပြင်း ထန်ထန်တိုက်ထုတ်ခဲ့သော သူရဲကောင်းတစ်ဦးဖြစ် ကြောင်း KNDF တပ်ရင်း-၉က အသိပေးသည်။
ကရင်နီပြည်နယ်အတွင်း အကြမ်းဖက်စစ်ကောင်စီသည် နေ့စဥ် လေယာဥ်များနှင့် လက်နက်ကြီးများအသုံးပြုတိုက်ခိုက်လျက်ရှိသည်။
Public Service Announcement
ထိုတိုက်ခိုက်မှုများကြောင့် ဒေသခံကလေးငယ်များနှင့် ဒေသခံပြည်သူများ သေဆုံးနေရပြီး ဘုရားကျောင်းမှာလည်း ထိခိုက်ပျက်ဆီးနေရသည်။
