အကြမ်းဖက်စစ်တပ်နှင့် BGFတို့ ကရင်တွင်ထိုးစစ်ဆင်၍ ပြည်သူများထွက်​ပြေး​နေရချိန်တွင် မင်းသားမြင့်မြတ်ကBGFအရာရှိများနှင့်​ပျော်ရွှင်စွာညစာစားပွဲပြုလုပ်

အကြမ်းဖက်စစ်ကောင်စီတပ်နှင့် ကရင်ပြည်နယ်နယ်ခြားစောင့်တပ်(BGF)တို့က ကရင်ပြည်နယ်တွင် ထိုးစစ်ဆင်နေ၍ ​ဒေသခံပြည်သူများ​​နေရပ်စွန့်ခွာထွက်​ပြေး ဒုက္ခတွေ့နေချိန်တွင် နာမည်ကြီး သရုပ်ဆောင်မင်းသားမြင့်မြတ်က BGFအရာရှိများနှင့် ညစားစားပွဲကို​ပျော်ရွှင်စွာ ပြုလုပ်​နေသကို​တွေ့ရသည်။

BGF ခေါင်းဆောင် စောချစ်သူ၏ လက်ရုံးဟု လူသိများသည့် ဗိုလ်မှုးနိုင်မောင်ဇော်က မြင့်မြတ်နှင့် တွဲရိုက်ထားသည့် ဓာတ်ပုံကို ယနေ့(မတ်လ ၁၁ရက်)ညတွင် လူမှုကွန်ရက်၌ တင်ထားသည်။ နး်ခြား​စောင့်တပ်ဖွဲ့ (BGF)မှာ အကြမ်းဖက်စစ်​ကောင်စီတပ် သြဇာခံ​သောအဖွဲ့များဖြစ်သည်။ကရင်ပြည်နယ်တွင် KNUလက်​အောက်ခံKNLA တပ်နှင့် PDF များကို စစ်​ကောင်စီတပ်နှင့်ပူး​ပေါင်းတိုက်ခိုက်​နေ​သောတပ်များဖြစ်သည်။

Facebook လူမှုကွန်ရက်ကို မြစ်သံလွင်အမည်ဖြင့် အသုံးပြုနေသည့် နိုင်မောင်ဇော်က မြင့်မြတ်၊Kညီတို့နှင့်တွဲရိုက်ထားသည့် ဓာတ်ပုံကို တင်ကာ ” Dinner အတွက်ကျေးဇူးပါ ညီလေး” ဟု ယ​နေ့ညတွင်ရေးသားထားသည်။ညစာစားပွဲတွင် ဟင်းအမယ်စုံနှင့် အကြမ်းဖက်စစ်တပ်ထုတ်မြန်မာဘီယာပုလင်းများနှင့်အတူ ​ပြုံးရွှင့်ကြစား​သောက်​နေကြသည်ကို​တွေ့ရသည်။

အကြမ်းဖက်စစ်ကောင်စီနှင့် BGFကကရင်ပြည်နယ် လေးကေးကော်မြို့သစ်နှင့် ကော့ကရိတ်မြို့နယ်အတွင်း ယခုရက်ပိုင်း ကျူး​ကျော်ထိုးစစ်ဆင်နေ၍ KNUနှင့် ပြည်သူကာကွယ်ရေးအဖွဲ့များက ခုခံတိုက်ခိုက်သည်။ အရပ်သားအမြောက်အများလည်း စစ်ဘေးရှောင်ထွက်​ပြေးနေရသည်။

Public Service Announcement

ယင်းအခြေအနေတွင် BGFအရာရှိများနှင့် မြင့်မြတ်က အတူရှိနေသည့်အပေါ် ပြည်သူအချို့က ပြစ်တင်ရှုတ်ချသည်။

“စစ်ကောင်စီလက်အောက်ခံ BGF နဲ့ အခုလို ပလူးနေတာ မြင်ရအဆင်မပြေဘူးဗျာ။ကရင်တိုင်းရင်းသားတွေ ပြေးလွှားနေရတာမှ အားမနာဗျာ”ဟု ကော့ကရိတ်မြို့ခံတစ်ဦးကပြောသည်။

မြင့်မြတ်သည် စစ်အာဏာသိမ်းမှုနှင့်ပတ်သက်၍ နေတိုး၊ စိုင်းစိုင်းခမ်းလှိုင်တို့ကဲ့သို့ နှုတ်ဆိတ်နေပြီး ရုပ်ရှင်ကြည့်ပရိတ်သတ်များ၏ ပြစ်တင်ဝေဖန်ခံနေရသည်။ ထို့အပြင်
မြင့်မြတ်သည်စစ်ကောင်စီအမာခံ​ထောက်ခံသူ အဆို​တော်ယုန်​လေးနှင့် ရင်းနှီး​သော မိတ်​ဆွေဖြစ်သလို ၊ အာဏာသိမ်း​ခေါင်း​ဆောင်မင်း​အောင်လှိုင် ၏သမီး ခင်သီရိသက်မွန် အဓိကပိုင်ဆိုင် 7th Sense ရုပ်ရှင်ထုတ်လုပ်​ရေးနှင့်စာချုပ်ချုပ်ဆိုထား​သော အဓိကမင်းသားဖြစ်သည်။

မြင့်မြတ်ကဲ့သို့ပင် ယခုရက်ပိုင်းအတွင်း​ဖေစ်ဘွခ်ပြန်လည်အသုံးပြူလာ​သောနာမည်​ကျော်မင်းသမီး ဝတ်မှုန်​ရွှေရည်မှာ ၊ မကြာ​သေးခင်ကမဂ်လာ​ဆောင်​သောနာမည်​ကျော်မင်းသား ​နေတိုး တို့မှာလည်း မင်း​အောင်လှိုင်သမီး ခင်သီရိသက်မွန်အဓိကပိုင်ဆိုင်ပြီး ခင်သီရိသက်မွန်ဒါရိုက်တာတာဝန်ယူထား​သော 7th Sense ရုပ်ရှင်ထုတ်လုပ်​ရေးနှင့်စာချုပ်ချုပ်ထားကြသည်။

ကရင်ပြည်နယ်လေးကေ့ကော်တွင် တပ်စွဲထားသော စစ်ကောင်စီတပ်များ ၃ ရက်အတွင်း ထွက်ခွာရန် KNU တပ်မဟာ (၆ )ကမတ်လ ၇ ရက်နေ့တွင် စစ်ကောင်စီထံသို့ စာပေးပို့ တောင်းဆိုပြီးနောက် စစ်ကောင်စီက လေကြောင်းမှတိုက်ခိုက်ခဲ့ရာ စစ်ရေးအခြေအနေ တင်းမာနေသည်။

စစ်​ကောင်စီအာဏာသိမ်းသည်ကိုလက်မခံဘဲ ပြည်သူနှင့်အတူရပ်တည်​နေ​သော KNU ကို အကြမ်းဖက်စစ်တပ်နှင့်BGF များက တိုက်ခိုက်​​နေ၍ ကရင်ပြည်နယ်တွင် ၂၀၂၁ ​ဖေ​ဖော်ဝါရီ ၁ ရက်​နောက်ပိုင်းထွက်​ပြေး​နေရ​သောစစ်​​ပြေးဒုက္ခသည် ၆၈၉၀၀ ရှိ​ကြောင်း ကုလသမဂ္ဂဒုက္ခသည်များဆိုင်ရာမဟာမင်းကြီးရုံး(UNHCR) ကယခုလဆန်းတွင်ထုတ်ပြန်ထားသည်။