စစ်ကောင်စီက ဖမ်းဆီးစစ်ဆေးနေသည့် အရာရှိသုံးဦးမှာ မှော်ဘီလေတပ်စခန်း တိုက်ခိုက်မှုနှင့် မသက်ဆိုင်ဟု ပြည်သူ့အင်အားစု ထုတ်ပြန်

ဖေဖော်ဝါရီ ၁၈ရက်က မှော်ဘီလေတပ်စခန်းအား ပြည်သူ့အင်အားစုအဖွဲ့က ဗုံးဖြင့်တိုက်ခိုက်ခဲ့ရာ ယင်းဖြစ်စဉ်အပြီး လေတပ်စခန်းမှ အရာရှိစစ်သည်များကို စစ်ကောင်စီက စစ်ဆေးမှုမျာရပြုလုပ်ရာ ဗိုလ်မှူးထင်လင်းဖေ၊ ဗိုလ်ကြီးလွင်မျိုးထက်၊ ဗိုလ်ကြီးထက်အောင် တို့ စစ်ကောင်စီက ဖမ်းဆီးထားသည်ဟု ဆိုသည်။

မှော်ဘီလေတပ်စခန်းအား တိုက်ခိုက်ခဲ့မှုနှင့် ပတ်သက်၍ တပ်မတော်သားများအား အပြစ်မရှိဘဲ အတင်းအကျပ် ခေါ်ယူ စစ်ဆေးမေးမြန်း နှက်စက်မှုများကို ကြားသိရ၍ အထူးပင်ဝမ်းနည်းကြောင်း၊ ယခုကဲ့သို့ ထင်သလို နှိပ်စက်ညှင်းပန်းခံနေရမှုများကြောင့် အာဏာကို ဖီဆန်ရန်နှင့် ပြည်သူ့ရင်ခွင်သို့ အမြန်ခိုလှုံရန် တိုက်တွန်းကြောင်း ပြည်သူ့အင်အားစုအဖွဲ့က ထုတ်ပြန်ခဲ့သည်။