ချင်းပြည်နယ် မတူပီတွင် အကြမ်းဖက်စစ်ကောင်စီအား မဟာမိတ်သုံးဖွဲ့ ပူးပေါင်းတိုက်ခိုက်ခဲ့သည့် နှစ်ရက်တာ တိုက်ပွဲအတွင်းစစ်ကောင်စီဖက်က ခုနှစ်ဦးသေဆုံးကာ ၁၀ဦးထပ်မနည်း ဒဏ်ရာရသွားကြောင်းCDF-Paletwa က ထုတ်ပြန်သည်။
မတူပီမြို့နယ် လိုင်လိုင်းပီမြို့မှ ထယ်ဘွေ့ စခန်းသို့ အင်အားဖြည့်တင်းရန် တတ်လာသည့် စစ်ကောင်စီအင်အား ၁၅၀ခန့်ကို CDF- Paletwa, CDF- Matupi နှင့် CNAက ပူးပေါင်းတိုက်ခိုက်ခဲ့ခြင်းဖြစ်သည်။
မတ်လ ၁၂ရက်နှင့် ၁၃ရက် ညနေအထိ တိုက်ပွဲတွင် စစ်ကောင်စီဖက်က ခုနှစ်ဦးသေဆုံးကာ ၁၀ဦးထက်မနည်း ဒဏ်ရာရသွားကြောင်း၊CDF- Paletwa မှရဲဘော် တစ်ဦးဒဏ်ရာအနည်းငယ်ရပြီး CNAရဲဘော်တစ်ဦးကျဆုံးခဲ့ကြောင်း ယနေ့(မတ်လ ၁၄ရက်) ထုတ်ပြန်ထားသည်။
အထိနာသွားသည့် အကြမ်းဖက်စစ်ကောင်စီက ပြည်သူများရှိရာနေရာသို့ လက်နက်ကြီးများဖြင့် ပစ်ခတ်မှုကြောင့် လူနေအိမ်တစ်လုံး၊ စာသင်ကျောင်း တစ်ဆောင်၊ခရစ်ယာန်ဘုရားရှိခိုးကျောင်းတစ်ဆောင် ထိခိုက်ပျက်စီးခဲ့သည်ဟု ဆိုသည်။ ဒေသခံများကို ပြည်သူ့ကာကွယ် ရေးမဟာမိတ်သုံးဖွဲ့က ကယ်ထုတ်ခဲ့ပြီး လုံခြုံသည့်နေရာသို့ ရွေ့ပြောင်းနိုင်ခဲ့သည်ဟု CDF-Paletwa သတင်းနှင့်ပြန်ကြားရေးက ထုတ်ပြန်သည်။
လက်ရှိတွင် အကြမ်းဖက်စစ်ကောင်စီတပ်ဖွဲ့ တက်လာမည့် ထယ်ဘွေ့စခန်းအ၀င်လမ်းကြောင်းတလျှောက်ကို ပြည်သူ့ကာကွယ်ရေးတပ်များက ပိတ်ဆို့ထားဆဲဖြစ်သည်။
အကြမ်းဖက်စစ်တပ်၏ လက်နက်ကြီးဖြင့် ပစ်ခတ်မှုကြောင့် တွီဆော့ကုန်းကျေးရွာ လူနေအိမ်တစ်လုံး၊ စာသင်ကျောင်း တစ်ဆောင်၊ခရစ်ယာန်ဘုရားရှိခိုးကျောင်းတစ်ဆောင် ထိခိုက်ပျက်စီးခဲ့ပြီး ပြည်သူ များအားထိခိုက်မှု မရှိ လုံခြုံသည့်နေရာအား ရွေ့ပြောင်းနိုင်ခဲ့ကြောင်း သိရသည်။