ခရမ်းမြို့ ရဲစခန်းနှင့် လျှပ်စစ်ရုံး တိုက်ခိုက်ခံရ

ယနေ့(မတ် ၁၈)ညနေပိုင်းက ရန်ကုန်တိုင်း ခရမ်းမြို့တွင် ဗုံးသုံးလုံးပေါက်ကွဲခဲ့ပြီး စစ်ကောင်စီတပ်များ ခြေရှုပ်နေကြောင်းမြို့ခံများက ပြောသည်။

ပေါက်ကွဲမှုများမှာ ယနေ့ညနေ ၅ နာရီ ၄၀ခန့်တွင် ခရမ်းမြို့တွင်း မြို့မရဲစခန်းအနီး ဗုံးနှစ်လုံးပေါက်ကွဲပြီး မြို့နယ်လျှပ်စစ်မန်​နေဂျာရုံးအနီးတွင် ညနေ ၄နာရီ ၅၀မိနစ်ခန့်တွင် ဗုံးတစ်လုံးထပ်ပေါက်ကြောင်း မြို့ခံများက ပြော သည်။

“ပထမဆုံးပေါက်တဲ့နှစ်လုံးက မြို့ထဲဘက် ရဲစခန်းနားပေါက်တာ။ တစ်မြို့လုံးကို ပွက်လောရိုက်လို့။ နောက်တစ်ကြိမ်က လျှပ်စစ်ရုံးလည်းပြောတယ်။ အဲရုံးရှေ့က ပန်ခြားနာလည်း ပြောတယ်”ဟု ခရမ်းမြို့ခံတစ်ဦးက ပြောသည်။

ပေါက်ကွဲမှုများမှာ တစ်ကြိမ်နှင့်တစ်ကြိမ် မိနစ်ပိုင်းသာခြားပြီး ပေါက်ကွဲခဲ့ခြင်းကြောင့် မြို့ခံများကြား အုတ်အာသောင်းနင်းဖြစ်ခဲ့ကာ အရေးပေါ်ကားသံများလည်း ဆူညံနေကြောင်း ၎င်းက ဆက်ပြောသည်။

Public Service Announcement

ခရမ်းမြို့နယ် တော်လှန်ရေးအဖွဲ့များနှင့်ချိတ် ဆက်၍ သတင်းများဖော်ပြပေးနေသည့် Khayan Channal ကမူ အထက်ပါတိုက်ခိုက်မှုများကို PDF Khayan မှ ပြုလုပ်ခဲ့ခြင်းဖြစ်ပြီး တိုက်ခိုက်မှုများတွင် ၄၀(မမ)ဗုံးသီးများအသုံး ပြုခဲ့ကြောင်း ဖော်ပြထားသည်။