●စစ်ကောင်စီတပ် ၈ဦးသေဟု PRAခေါင်းဆောင်ဗိုလ်ဂျပန်ပြော
စစ်ကိုင်းတိုင်း၊ ပုလဲမြို့နယ် ၊အင်မထီးကျေးရွာအတွင်းတပ်စွဲထားသောစစ်ကောင်စီတပ်ကိုပြည်သူ့ကာကွယ်ရေးပူးပေါင်းတပ်များဝင်ရောက်တိုက်ခိုက်ခဲ့ကြောင်း Myaing Villages Revolution Front ( MVRF )က ယနေ့(မတ်လ ၁၉ ရက်)တွင် ထုတ်ပြန် သည်။
တိုက်ပွဲ ဖြစ်စဥ်မှာ ယမန်နေ့ ည ၆ နာရီခန့်က စ၍ ည ၁၀ နာရီခန့်ထိ ဖြစ်ပွားခဲ့ပြီး ( MVRF )၊ ဖီးနပ်စ် ပြောက်ကျားတပ်ဖွဲ့၊ကျားသစ်နက်ပြောက် ကျားတပ်ဖွဲ့၊ PPDG ၊ PRAနှင့် ဒေါင်းနက်နယ်စည်းမခြားပြောက်ကျားတပ်ဖွဲ့ တော်လှန်ရေးတပ်ပေါင်းစုများက ပူးပေါင်းတိုက်ခိုက်ခဲ့သည်ဟု ဖော်ပြထားသည်။
ပြည်သူ့ကာကွယ်ရေးဘက်မှရဲဘော် ၃ ယောက် အသေးစားဒဏ်ရာ(မစိုးရိမ်ရ) ရရှိကာ စစ်ကောင်စီတပ်ဘက်မှ သေဆုံးမှုစာရင်းကို စုံစမ်းဆဲ ဖြစ်ကြောင်း MVRF က အသိပေးသည်။
ပြည်သူ့တော်လှန်ရေးတပ်မတော် PRA ဦးဆောင်သူ ဗိုလ်ဂျပန်က”မနေ့က ကိုင်းတွင်းရွာကို မီးရှို့ပြီး အင်မထီးမှာ ပြန်ပြီး တပ်စွဲထားတဲ့ စခ နဲ့ ပျူစောထီး ကို ဝင်တိုက်တာပါ။ကိုင်းတွင်းရွာတော့ အိမ် အလုံး ၂၀ လောက်မီးရှို့ခံခဲ့ရတယ်။ကျွန်တော်တို့လည်း သိသိချင်း တောင်ပေါ်က ဆင်းပြီး ပေါင်းတိုက်တာ။မနေ့က နဲ့ ဒီနေ့ မနက်စာရင်း အရ ဆို ပျူနဲ့ စခ ၈ ယောက် သေတယ်။ထပ်တိုး ရှိနိုင်သေးတယ်”ဟု လူထုနွေဦးသို့ ပြောသည်။
အင်မထီးရွာ သည် ပုလဲ မြို့နယ်၏ ပျူစောထီး အားကောင်းရာဒေသဖြစ်ပြီး လက်ရှိတွင် အကြမ်းဖက်စစ်ကောင်စီတပ်မှ အင်အား ၂၀ ခန့်အပါအဝင် လက်နက်တပ်ဆင်ထားသည့် ပျူစောထီး ၆၀ ခန့်ရှိကြောင်း ၎င်းက ဆိုသည်။