ကရင်နီ(ကယား)ပြည်နယ် လွိုင်ကော်အခြေစိုက်အကြမ်းဖက်စစ်ကောင်စီ၏ ခလရ (၂၆၁)တပ်အနီး တိုက်ပွဲဖြစ်ပွားခဲ့ကြောင်း ကရင်နီတိုင်းရင်းသားများကာကွယ်ရေးတပ်(KNDF B-12)က ယနေ့(မတ်လ ၂၁ ရက်) ထုတ်ပြန်သည်။
ယမန်နေ့ ညနေ ၅ နာရီခွဲခန့်က ခလရ (၂၆၁)တပ်အနီးတွင် ကရင်နီတပ်မတော် KA နှင့် KNDF B-12 ရဲဘော်များနှင့် စစ်ကောင်စီတပ်တို့ ထိတွေ့တိုက်ပွဲ ဖြစ်ပွားခဲ့ခြင်း ဖြစ်သည်။
“စကစ ဖက်မှ ထိခိုက်ကျဆုံးဦးရေး အတည်မပြုနိုင်သေးပါ။ မိမိတို့ဘက်မှ တစုံတရာထိခိုက်ခြင်းမရှိခဲ့ပါ”ဟု KNDF B-12က ဆိုသည်။
မတ်လ ၁၉ ရက်ကလည်း ဒကစ (ဒေသကွပ်ကဲမှုစစ်ဌာန ချုပ်ကို KNDF B-12၊B -2 ၊B-14 နှင့် KAမှ သွားရောက်တိုက်ခိုက်မှုရှိခဲ့သည်။
Public Service Announcement
အဆိုပါဖြစ်စဥ်တွင် စစ်ကောင်စီတပ်သားတစ်ဦးသေဆုံးကြောင်းကိုသာ အတည်ပြုနိုင်ခဲ့ကြောင်း သိရသည်။
အကြမ်းဖက်စစ်ကောင်စီသည် ကရင်နီပြည်နယ်၏ ဒီမော့ဆိုဒေသအနောက်ခြမ်းကို ထိန်းချုပ်နိုင်ရေး အသည်းအသန်ကြိုးပမ်းနေပြီး အတွဲလိုက်ဒုံး များ၊လေယာဥ် များနှင့် လက်နက် ကြီး ရာနှင့်ချီ အသုံးပြုနေသည်။
ထို့ကြောင့် ကရင်နီ ပြည်သူ့ကာကွယ်ရေးတပ်ပေါင်းစုများက ပြည်တွင်း၊ပြည်ပနေ ပြည်သူများအနေဖြင့် ထောက်ပံ့အားပေးကူညီရန် မေတ္တာရပ်ခံနေသည်။ထို့အပြင် လေယာဥ်ပစ်လက်နက် ဝယ်ယူနိုင်ရေး KNDFက အလှူခံလျှက်ရှိသည်။
