ကိုးကန့်လက်နက်ကိုင်တပ်ဖွဲ့(MNDAA) တည်ထောင်သူ ဦးဖုန်ကြားရှင် ကွယ်လွန်ခြင်းအပေါ် အမျိုးသားဒီမိုကရေစီအဖွဲ့ချုပ်(NLD)က သဝဏ်လွှာပေးပို့လာကြောင်း MNDAAက ထုတ်ပြန်သည်။
လက်ရှိ MNDAA ခေါင်းဆောင် ဦးဖုန်တာရွှင်၏ ဖခင်ဖြစ်သူ MNDAA တည်ထောင်သူ နှင့် ဥက္ကဋ္ဌဟောင်း ဖြစ်သူ အသက် ၉၄နှစ်အရွယ် ဦးဖုန်ကြားရှင် သည် ယခုနှစ် ဖေဖော်ဝါရီ ၁၆ရက်တွင် ကွယ်လွန်ခဲ့ခြင်းဖြစ်သည်။
ဥက္ကဋ္ဌ ဦးဖုန်ကြားရှင် ကွယ်လွန်ခြင်းသည် ကိုးကန့်တိုင်းရင်းသားလူမျိုးများနှင့် မြန်မာနိုင်ငံ အမှန်တရား နှင့်တရားမျှတသော အမျိုးသားပါတီ အတွက်သာမက နိုင်ငံတော် ပြည်သူလူထုတစ်ရပ်လုံးအတွက်လည်း ကြီးများသော ဆုံးရှုံးနစ်နာမှု တစ်ရပ်ပင်ဖြစ်သည်ဟု သဝဏ်လွှာ၌ ဖော်ပြထားသည်ကို တွေ့ရသည်။
အမျိုးသားဒီမိုကရေစီအဖွဲ့ချုပ် ပါတီမှလည်း ကိုးကန့်တိုင်းရင်းသား လူမျိုးများနှင့် ကျန်ရစ်သူမိသားစုဝင်များ နှင့်အတူ ထပ်တူထပ်မျှ ဝမ်းနည်းရသည်ဟု သဝဏ်လွှာပေးပို့ခဲ့သည်။
Public Service Announcement
