စစ်ကိုင်းတိုင်း၊ မင်းကင်းမြို့နယ်တွင် အကြမ်းဖက်စစ်ကောင်စီကပျူစောထီးသင်တန်းပေးရန်စီစဥ်နေသည့် တောင်တွင်းဒေသ ကျော်ရွာကျေးရွာကို ဒေသတွင်းကာကွယ်ရေးအဖွဲ့များပူးပေါင်းတိုက်ခိုက်ခဲ့ရာ အကြမ်းဖက်စစ်ကောင်စီတပ်ဘက်မှ ၈ ဦးထက်မနည်းသေဆုံးနိုင်ပြီး ပြည်သူ့ကာကွယ်ရေးတပ်ဖွဲ့ဝင် ၂ဦး ကျဆုံးခဲ့ကြောင်း ဒေသခံပြည်သူ့ကာကွယ်ရေးအဖွဲ့များကထုတ်ပြန်သည်။
မင်းကင်းမြို့နယ်၊ တောင်တွင်းဒေသကျော်ရွာတွင် ယနေ့ နံနက် ၅နာရီခွဲအချိန်၌ အကြမ်းဖက်တပ်များနှင့် ဒေသခံကာကွယ်ရေးတပ်ဖွဲ့များ မိနစ် ၂၀ ကြာတိုက်ပွဲဖြစ်ပွားခဲ့ပြီးတောင်တွင်းပြည်သူ့ကာကွယ်ရေးတပ်ဖွဲ့ TDPDF(MinGin)၊ MK PDF-2၊ကနီပြည်သူ့ကာကွယ်ရေးတပ် KPDF-2 ၊KLG PDF၊ ရွှေတြိဂံတပ်ရင်း၊ရွှေသမင်မုဆိုး၊ မြွေဆိုးနှင့် ဒေသခံကာကွယ်ရေးတပ်ဖွဲ့များ ပူးပေါင်းတိုက်ခိုက်ခဲ့ကြခြင်းဖြစ်သည်။ တိုက်ပွဲအတွင်း PDF တပ်ဖွဲ့ဝင်နှစ်ဦးကျဆုံးခဲ့ပြီး လေးဦးဒဏ်ရာရရှိခဲ့ကြောင်း၊ အကြမ်းဖက် စစ်ကောင်စီဖက်မှ သေဆုံးစာရင်းအတိကျမသိရသော်လည်း ၈ဦးထက်မနည်း သေဆုံးနိုင်ကြောင်းတောင်တွင်းပြည်သူ့ကာကွယ်ရေးတပ်ဖွဲ့ TDPDF(MinGin)က သတင်းထုတ်ပြန်သည်။
“မအလရဲ့အကြမ်းဖက် စစ်ကောင်စီတပ်များဟာ ကျော်ရွာကျေးရွာကို ပျူသင်တန်းပေးရန် စီစဥ်နေတာဖြစ်ပါတယ်။ကျွန်တော်တို့အနေနဲ့ အဲ့ဒီပျူစောထီးသင်တန်းကို လုံးဝ လက်မခံနိုင်သည့်အတွက် မဟာမိတ်တပ်ဖွဲ့များပူးပေါင်းပြီး သွားရောက်တိုက်ခိုက်ခဲ့တာပါ။”ဟု တောင်တွင်းပြည်သူ့ကာကွယ်ရေးတပ်ဖွဲ့ TDPDF(MinGin)က အသိပေးသည်။
မင်းကင်းမြို့နယ်နှင့်တောင်တွင်းအောက်ပိုင်းဒေသများတွင် ပျူစောထီးအားကောင်းသောကျေးရွာများရှိ၍ ပြသာနာရှိကြောင်းPDF တပ်ဖွဲ့ဝင်အချို့ကပြောသည်။
Public Service Announcement
ပြည်သူ့ကာကွယ်ရေးအဖွဲ့များသည်လက်လုပ်တူမီးသေနတ်ကိုသာ အဓိကထားပြီး တိုက်ပွဲဖော်ဆောင်နေရသည့်အတွက် လက်နက်ခလျင်း မညီမျှသဖြင့် နောက်ပြန်ခေါက်ခဲ့ရသော်
လည်းကြောက်ရွံ့ တွန်ဆုတ်သွားမည်မဟုတ်ကြောင်း၊ အကြမ်းဖက်စစ်တပ်သည်ယခုအခါပျားသုံးကျေးရွာတွင်ရောက်ရှိနေပြီး ဒေသခံပြည်သူများ၏ ပစ္စည်းများအား ယူဆောင်ဖျက်ဆီးနေပြီး နေအိမ်အချို့ကိုလည်း မီးရှို့နေကြောင်း၊ ပြည်သူများအနေဖြင့် မိမိတို့၏တန်ဖိုးကြီးပစ္စည်းများအားဘေးလွတ်လုံခြုံရာသို့ သိမ်းဆည်းပြီးခေတ္တရှောင်ရှားနေထိုင်ကြရန်တောင်တွင်းပြည်သူ့ကာကွယ်ရေးတပ်ဖွဲ့TDPDF(MinGin)ကအသိပေးမေတ္တာရပ်ခံထားသည်။
ကျော်ရွာအနီးတွင် ယနေ့နံနက်ခင်း၌ ထိတွေ့မှုဖြစ်ပွားပြီးနောက် စစစ်ကောင်စီတပ်များ၊၊ပျူစောထီးများက ပျားသုံးကျေးရွာအစွန်မှ နေအိမ်များ၊ စစ်ရှောင်စခန်းများကို မီးရှို့ခဲ့ကြောင်း ကနီမြို့နယ်ပြည်သူ့ကာကွယ်ရေးတပ်ဖွဲ့ (၂) KPDF 2 ၊ တပ်ရင်း (၂)မှတာဝန်ရှိသူကပြောသည်။
ထို့ပြင် တောင်တွင်းဒေသ အောက်ဘက်မှ စခ၊ ပျူများ သုံးယောက်ပိုး ဆိုင်ကယ် (၁၃)စီးခန့် ကျော်ရွာသို့ တက်လာပြီး အင်အားဖြည့်တင်းထားကြောင်းသိရှိရပါသည်။သို့သောယနေ့ ညနေပိုင်းတွင် တိုက်ပွဲထပ်မံဖြစ်ပွားခြင်းမရှိကြောင်းအထက်ပါတာဝန်ရှိသူက ဆက်ပြောသည်။
