●ရန်ကုန်တွင်ဒေါက်တာဒေါ်ခင်ခင်ကြီးကိုယ်တိုင်ဦးဆောင်၍CDMကျန်းမာရေးဝန်ထမ်းများကိုဖိနှိပ်နေဟုသတင်းထွက်ပေါ်နေပြီးမှော်ဘီတော်လှန်ရေးအင်အားစုကသတိပေး
ရန်ကုန်မြို့နှင့် မန္တလေးမြို့များတွင် ပုဂ္ဂလိကဆေးရုံ၊ ဆေးခန်းများ၌ CDM (စစ်ကောင်စီ၏ အမိန့်များကို အကြမ်းမဖက်ဘဲ အာဏာဖီဆန်နေသော) ကျန်းမာရေးဝန်းထမ်းများကို လက်ခံထားခြင်းရှိ၊မရှိ အကြမ်း ဖက်စစ်ကောင်စီက ဖိအားပေးစစ်ဆေးမှုများပြုလုပ်လာကြောင်း ကျန်းမာရေးအသိုင်းအဝိုင်းထံမှ သိရသည်။
အဆိုပါစစ်ဆေးမှုများလုပ်ဆောင်ရာတွင် ရန်ကုန်မြို့ရှိ ဆေးရုံ၊ ဆေးခန်းများအား ဒေါက်တာခင်ခင်ကြီးက ဦးဆောင်စစ်ဆေးနေပြီး မန္တလေးမြို့တွင်လည်း စစ်ကောင်စီမှ အလာတူ ဖိအားပေးစစ်ဆေးနေကြောင်းသိ့ရသည်။
ရန်ကုန်မြို့ရှိ ပုဂ္ဂလိကဆေးရုံများသို့ ဖေဖော်လမှစ၍ ရှောင်တခင်စစ်ဆေးသောပုံစံဖြင့် စစ်ကောင်စီတာဝန်ပေးထားသော အဖွဲ့က ဝင်ရောက်စစ်ဆေးနေကြောင်းကျန်းမာရေးဝန်ထမ်းအချို့ကပြောသည်။
Public Service Announcement
“ပြီးခဲ့တဲ့ရက်က ဝိတိုရိယဝင်တယ်ပြောတယ်”ဟုဆရာဝန်တစ်ဦးက ပြောသည်။
မန္တလေးမြို့တွင်လည်း CDM ကျန်းမာရေးဝန် ထမ်းများ၏ အချက်အလက်များကို စစ်ကောင် စီက လိုက်လံကောက်ယူလျက်ရှိရာ ပြီးခဲ့သည့်ရက်ပိုင်းက နာမည်ကြီးပုဂ္ဂလိကဆေးရုံတစ်ခုရှိ အထူးကုဆရာဝန်ကြီးများစာရင်းကို စစ်ကောင် စီက ဆေးရုံ၊ ဆေးခန်းပိုင်ရှင်များထံ တောင်ယူ ခဲ့သည်ဟု မန္တလေးကျန်းမာရေးအသိုင်းအဝိုင်းထံမှ သိရသည်။
မန္တလေးမြို့တွင် ပုဂ္ဂလိကအထူးကုဆရာဝန်ကြီးများ၏ အကူအတွက်ခေါ် ယူသောဆရာဝန်များတွင်ပင် CDM ဆရာဝန်များပါ၊မပါစာရင်းများတောင်းယူစစ်ဆေးနေသည်။
“အကူခေါ်ရင်တောင် CDM ဆရာဝန်ဆိုမခေါ်ရဘူး”ဟု ဆရာဝန်တစ်ဦးကပြောသည်။
ထိုအပြင်မန္တလေးမြို့ရှိပုဂ္ဂလိကဆေးရုံများတွင် ထိ့ခိုက်ဒဏ်ရာရရှိပြီးဆေးရုံရောက်လာသူများ၏ လူနာစာရင်းများကိုလည်းစစ်ကောင်စီက ၎င်းတို့ထံပုံမှန်ပို့ပေးရန် ဖိအားပေးထားကြောင်းလည်းကျန်းမာရေးဝန်ထမ်းအချို့ထံမှ သိ့ရသည်။
မတ်လ ၂၃ ရက်(ယနေ့)တွင် ရန်ကုန်မြို့ မြောက်ဥက္ကလာပမြို့နယ်ရှိ ပုဂ္ဂလိက ဆေးရုံ၊ ဆေးခန်းများတွင် CDM ပြုလုပ်ထားသည့် ကျန်းမာရေးဝန်ထမ်းရှိ ၊မရှိ စစ်ကောင်စီဘက်က လိုက်လံစစ်ဆေးနေ၍ သတိပြုနေထိုင်ကြရန် ကျန်းမာရေးဝန်ထမ်းတစ်ဦးက သတိပေးသည်။
အထက်ပါဖြစ်စဥ်များတွင် အရပ်သားအစိုးရလက်ထက်၌ကျန်းမာရေးဝန်ကြီးဌာန၌ ဒုတိ ယညွှန်ကြားရေးမှူးတာဝန်ထမ်းဆောင်ခဲ့သူလည်းဖြစ်၊ ကိုဗစ်ကပ်ရောဂါစတင်ဖြစ်ပွားချိန်မှစ၍လူသိများလာသည့်ဒေါက်တာခင်ခင်ကြီးကိုယ်တိုင်ဦးဆောင်ပါဝင်နေကြောင်း သတင်းများကျယ်ပြန့်စွာထွက်ပေါ်လျက်ရှိသည်။
ထို့ကြောင့် ဒေါ်ခင်ခင်ကြီး၏ CDM ကျန်းမာ ရေးဝန်ထမ်းများနှင့်ပတ်သက်သည့် လုပ်ရပ်များရပ်တန်းကရပ်ရန် သတိပေးစာတစ်စောင်ကို မှော်ဘီတော်လှန်ရေးအင်အားစုက မတ် ၂၃တွင် ထုတ်ပြန်သတိပေးလိုက်သည်။သို့သော် ဒေါက်တာဒေါ်ခင်ခင်ကြီးကိုယ်တိုင် ရန်ကုန်တွင်ဆေးရုံများ၌ CDM ကျန်းမာရေးဝန်ထမ်းများခန့်အပ်ထားခြင်းရှိ ၊မရှိ လိုက်လံစစ်ဆေးဖိနှိပ်နေခြင်းဟုတ် ၊မဟုတ်ကို People’s Spring ကသီးခြားအတည်မပြုနိုင်သေးပါ။
မှော်ဘီတော်လှန်ရေးအင်အားစု၏ သတိပေးစာအရဒေါ်ခင်ခင်ကြီးသည် ပုဂ္ဂလိက ဆေးရုံ၊ ဆေးခန်းများတွင် CDM များကို လက်ခံထားခြင်းရှိမရှိ မေးမြန်းခြင်း၊ CDM များနှင့်သက်ဆိုင်သည့် သတင်းအချက်အလက်များစုဆောင်းခြင်း၊ ရပ်ကွက်ရုံးများအထိ CDM များ၏ အမည်စာရင်းပေးပို့ကာ ဧည့်စာရင်းတွင် ယင်းနာမည်များပါဝင်ခြင်းရှိ၊မရှိ ရှာဖွေခိုင်းခြင်းနှင့် ဘဏ်များတွင်လည်း CDM များ၏ မှတ်ပုံတင်ပေးပို့ကာအကောင့်စစ်ဆေးခိုင်းခြင်းများ လုပ်ဆောင်နေသည်ဟု ဖော်ပြထားသည်။ ထိုကြောင့်စစ်ကောင်စီမှ ဗိုလ်မှူးတစ်ဦး၏ ဇနီးလည်းဖြစ်သော ဒေါက်တာဒေါ်ခင်ခင်ကြီးကို လုပ်ရပ်များရပ်တန့်က ရပ်ရန် မှော်ဘီတော်လှန်ရေးအင်အားစုက သတိပေးထားသည်ကိုတွေ့ရသည်။
