ဂျပန်စွမ်းအင်ကုမ္ပဏီ Eneos မြန်မာကနေ ထွက်ခွာမယ်

မြန်မာနိုင်ငံရဲ့ လူ့အခွင့်အရေးအခြေအနေတွေကြောင့် ဂျပန်စွမ်းအင်ကုမ္ပဏီ Eneos ဟာ ရတနာဓာတ်ငွေ့စီမံကိန်းကနေထွက်ခွာတော့မယ်လို့ ကုမ္ပဏီရဲ့ပြောရေးဆိုခွင့်ရှိသူကပြောလိုက်ပါတယ်။

ပြီးခဲ့တဲ့လအတွင်း မြန်မာနိုင်ငံကနေ မလေးရှား ပီထရိုနမ် ၊ ဂျပန် မစ်ဆူဘီရှီ တို့ထွက်ခွာပြီးနောက် Eneos ကလည်းကျောခိုင်းဖို့ဆုံးဖြတ်လိုက်တာပါ။

မြန်မာနိုင်ငံကနေထွက်ခွာဖို့အတွက် ဖြစ်နိုင်ခြေမှန်သမျှကို စီးပွားရေးမိတ်ဖက်တွေနဲ့ဆွေးနွေးခဲ့တယ်လို့ Eneos ရဲ့ပြောရေးဆိုခွင့်ရှိသူကပြောပါတယ်။

စစ်တပ် အာဏာသိမ်းပြီးနောက် လူ့အခွင့်အရေးချိုးဖောက်မှုတွေကြောင့် မြန်မာနိုင်ငံမှာရင်းနှီးမြှုပ်နှံထားတဲ့ နိုင်ငံတကာ စွမ်းအင်ကုမ္ပဏီကြီးတွေဟာ ထွက်ခွာနေကြတာပါ။

Public Service Announcement

ပြီးခဲ့တဲ့လပိုင်းကဆို ပြင်သစ် တိုတယ် ၊ အမေရိကန် ရှက်ဗရွန် တို့ထွက်ခွာသွားကြပြီး တိုတယ်ရဲ့ အစုရှယ်ယာတွေကို ထိုင်းအစိုးရပိုင် PTTEP က လွှဲပြောင်းရယူမယ်လို့သိရပါတယ်။

ကိုးကား − CNA