နွေဦး​တော်လှန်​ရေး ​ငွေတိုက်စာချုပ် ​ကန်ဒေါ်လာသန်း၃၀ဖိုး​ရောင်းချထား

နွေဦးတော်လှန်ရေး အထူးငွေတိုက်စာချုပ်ပေါင်း ၇,၂၀၀ကျော် အ​မေရိကန်ဒေါ်လာသန်း ၃၀ဖိုးခန့်ရောင်းချခဲ့ပြီးဖြစ်သည်ဟု အမျိုးသားညီညွတ်ရေးအစိုးရအဖွဲ့ (NUG)က ထုတ်ပြန်ကြေညာလိုက်သည်။

ထိုပမာဏာသည် ငွေတိုက်စာချုပ်စတင်ရောင်းချသည့်အချိန်မှ ၂၀၂၂ မတ်လ၂၆ရက်အထိဖြစ်သည်ဟု NUGက ဆိုသည်။

ငွေတိုက်စာချုပ်ရောင်းချရခြင်းမှ ရရှိလာသည့် ဘဏ္ဍာငွေများကို နွေဦးတော်လှန်ရေး အမြန်ဆုံးအောင်နိုင်ရေးအတွက် အဓိကလိုအပ်သည့် အသုံး စရိတ်များတွင် သုံးစွဲလျက်ရှိသည်ဟုလည်း ​ထုတ်ပြန်သည်။

NUGက နွေဦးတော်လှန်ရေးအတွက် ငွေတိုက်စာချုပ် ဒေါ်လာတစ်ဘီလီယံဖိုကို ထုတ်ရောင်းပေးနေခြင်းဖြစ်ပြီး ပထမအသုတ်အနေနှင့် ဒေါ်လာ သန်း၂၀၀ဖိုး ထုတ်ရောင်းနေခြင်းဖြစ်သည်။

Public Service Announcement

နိုဝင်ဘာ ၂၂ ရက်တွင် NUGက ငွေတိုက်စာချုပ်​များစတင်ရောင်းချခဲ့ပြီး နိုဝင်ဘာ ၂၉ ရက်က ငွေလွဲကိစ္စရပ်​များကြောင့် ခေတ္တရပ်ဆိုင်းခဲ့ရသည်။

ထိုနောက် ဘဏ်စနစ်အပြင် ကိုယ်စားလှယ်နှင့် ဒစ်ဂျစ်တယ်ငွေကြေး USDTဖြင့်ပါ ရောင်းချနေခြင်းဖြစ်သည်။