ရန်ကုန်တိုင်း ခရမ်းမြို့နယ် ဘုရားပျိုရဲစခန်းတိုက်ခိုက်ခံရပြီး အပြန်အလှန် ပစ်ခတ်မှု ဖြစ်ပွားခဲ့ကြောင်း ဒေသခံများက ပြောသည်။
ယနေ့(မတ် ၂၈)နေ့လယ် ၁နာရီခန့်က ဘုရားပျိုနယ်မြေရဲစခန်းဝန်းတွင် ဗုံးသုံးလုံးပေါက်ကွဲပြီး ပစ်ခတ်သံများဆူညံစွာထွက်ပေါ်လာကြောင်း ဒေသခံများက ပြောသည်။
“ပေါက်ကွဲသံ သုံးကြိမ်ကြားရတယ်။ ရဲစခန်းထဲဗုံးပေါက်တာလို့ပြောတယ်။ ဗုံးပေါက်ပြီးသိပ် မကြာဘူး သံနတ်သံတွေလည်း ဆက်တိုက်ကြားရတယ်”ဟု ဘုရားပျိုကျေးရွာမှ ဒေသခံတစ်ဦး က ပြောသည်။
ဘုရားပျိုရဲစခန်းတိုက်ခိုက်ခံရပြီး နာရီပိုင်းခန့်အကြာတွင် ခရမ်းမြို့ပေါ်မှ စစ်ကောင်စီလက် အောက်ခံ ရဲနှင့်စစ်သားအချို့ ဘုရားပျိုကျေး ရွာသို့အင်အားဖြည့်တင်းရန် ရောက်ရှိလာကြောင်း ဒေသခံနောက်တစ်ဦးက ပြောသည်။
Public Service Announcement
“အရင်တစ်ခေါက်ကလိုတော့ လမ်းပိတ်စစ်တာတွေဘာတွေ မရှိဘူး။ ခရမ်းဘက်ကနေ စစ် သားနဲ့ရဲတချို့ ရောက်လာတာတော့ရှိတယ်”ဟု ၎င်းဒေသကခံ ပြောသည်။
ခရမ်းမြို့နယ် PDF နှင့်ချိတ်ဆက်၍ သတင်းများဖော်ပြလျှက်ရှိသော ဒေသသတင်းရင်းမြစ် Khayan Channal ကမူ ဘုရားပျိုရဲစခန်းအား တော်လှန်ရေးတပ်ဖွဲ့ဝင်များက ၄၀ မမ ဗုံးသီးသုံးလုံးဖြင့် တိုက်ခိုက်ခဲ့ခြင်းဖြစ်ပြီး ယနေ့ နေ့လယ် ၁နာရီ ၃၅မိနစ်ခန့်မှ ၁နာရီ ၅၅ မိနစ်ခန့်အထိ နှစ်ဘက်အပြန်လှန်ပစ်ခတ်မှုဖြစ်ခဲ့ကြောင်း ဖော်ပြသည်။
ထိုတိုက်ခိုက်မှုအတွင်း စစ်ကောင်စီတပ်ဘက်မှ ရဲတစ်ဦးသေဆုံးကာ သုံးဦးဒဏ်ရာရရှိကြောင်း ဖော်ပြသော်လည်း အဆိုပါထိခိုက်သေဆုံးမှုစာရင်း အား People’s Spring မှသီးခြားအတည်ပြုချက် မရရှိသေးပေ။
