မြဝတီ – ဝေါ်လေလမ်း၌ တိုက်ပွဲ ဆက်ဖြစ်၍ စစ်ကောင်စီတပ် ​ခြောက်ဦးထပ်သေ

▪️သုံးရက်ဆက်တိုက်ပွဲများအတွင်း စစ်ကောင်စီတပ်မှ ၈၀ဦးသေ

ကရင်ပြည်နယ် မြဝတီ – ဝေါ်လေလမ်း၌ ယနေ့ တိုက်ပွဲ ဆက်ဖြစ်၍ စစ်ကောင်စီတပ်မှ ​ခြောက်ဦးသေဆုံးခဲ့သည်ဟု ကော်ဘရာစစ်ကြောင်းက သတင်းထုတ်ပြန်သည်။

အဆိုပါ လမ်းမကြီးပေါ်ရှိ ပလယ်ဒို ရွာအနီးသို့ ကျူးကျော်ဝင်ရောက်လာသော အကြမ်းဖက်စစ်ကောင်စီ စစ်ကြောင်းအား ယနေ့ နေ့လည်ပိုင်းက မိမိတို့ ကော်ဘရာစစ်ကြောင်းမှ ခုခံတိုက်ခိုက်ခဲ့ကြောင်း ၊ လက်ဖြောင့် စနိုက်ဘာစစ်သည်များ၏ စွမ်းဆောင်မှုဖြင့် အကြမ်းဖက် စစ်ကောင်စီတပ်ဘက်မှ အနည်းဆုံး​ခြောက်ဦး ထိခိုက်သေဆုံးခဲ့ပြီး မိမိတို့၏ ကော်ဘရာ စစ်ကြောင်းဘက်မှ ထိခိုက်သေဆုံးမှု မရှိခဲ့ဟု ဖော်ပြ သည်။

ကျူးကျော်လာသော အကြမ်းဖက်စစ်ကောင်စီတပ်အား ဆက်လက်ခုခံ တိုက်ခိုက်လျက်ရှိသည်ဟု ဖော်ပြခဲ့သည်။

Public Service Announcement

အဆိုပါဒေသသို့ ဝင်ရောက်လာသည့် စစ်ကောင်စီတပ်ကို KNU ဦးဆောင်သည့် ပူးပါင်းတပ်က ခုခံတိုက်ခိုက်ရာ မတ်လ ၂၇ရက် တိုက်ပွဲ၌ စစ်ကောင်စီတပ်မှ ၆၁ဦး၊ မတ်လ ၂၈ရက်တိုက်ပွဲ၌ ၁၃ဦးသေဆုံးခဲ့ကြောင်း ကော်ဘရာ စစ်ကြောင်းက သတင်းထုတ်ပြန်သည်။