စစ်ကိုင်းတိုင်း ခင်ဦးမြို့နယ်၊ ရှားလွင်ကျေးရွာအနီး၌ အကြမ်းဖက်စစ်ကောင်စီ စစ်ကြောင်း ပဒေသာမိုင်းဆွဲခံရပြီး ၁၀ဦးခန့် သေဆုံးနိုင်ကာ ယနေ့နံနက်ပိုင်း အထိ ထိတွေ့မှုများ ရှိနေသည်ဟု ခင်ဦးမြို့နယ် ပြည်သူ့ကာကွယ်ရေးတပ်ဖွဲ့ တာဝန်ရှိသူက People’s Springသို့ ပြောသည်။
မတ်လ ၂၉ ရက် နေ့လယ်က ရှားလွင်ရွာဘက်သို့ အင်အား ၃၉ဦးဖြင့် အကြမ်းဖက်စစ်တပ်မှ စစ်ကြောင်းထိုးလာစဥ် မိုင်းဆွဲခဲ့ခြင်းဟု ၎င်းက ဆိုသည်။
“မျက်မြင်ရဲဘော်တွေ အဆိုအရ ဆို ဒီထက်တောင်ပို နိုင်တယ်။ဒါ ကျွန်တော်တို့ လည်း အကြမ်း ဖျင်းလောက်ပဲ အတည်ပြုတာ”ဟု အထက်ပါတာဝန်ရှိသူက ပြောသည်။
မိုင်းဆွဲခံရသည့် စစ်ကြောင်းသည် ရွာစဥ်ကျေးရွာ၌ တပ်စွဲထားသည့် အကြမ်းဖက်စစ်တပ်နှင့် သွားရောက်ပူးပေါင်းခဲ့သည်ကို ခင်ဦးမြို့နယ် ပြည်သူ့ကာကွယ်ရေးတပ်ဖွဲ့က ထောက်လှမ်း သိရှိခဲ့သည်။
Public Service Announcement
“မနေ့ညက ရွာစဥ်ထဲမှာ တပ်စွဲတယ်။ အင်အားက အကြမ်းဖျင်းဆို ၁၀၀လောက်ရှိတယ်။အဲဒါ မနေ့က ဖြစ်စဥ် မကျေနပ်လို့ ဒီနေ့ ရှားလွင်ရွာကို ဝင်ဖို့လုပ်တာ။အကိုတို့ မိုင်းဆွဲ တိုက်ခိုက် ခဲ့တယ်။သေဆုံး သတင်းအတိအကျ မသိရသေးဘူး”ဟု ခင်ဦးမြို့နယ် ပြည်သူ့ကာကွယ်ရေး တပ်ဖွဲ့တာဝန်ရှိသူက ပြောသည်။
လက်ရှိတွင် ရွာစဥ်ကျေးရွာမှ ဒေသခံနေအိမ်များမီးရှို့ခံထားရပြီး ရှားလွင်ကျေးရွာအတွင်းပါ အကြမ်းဖက်စစ်တပ်က ဝင်ရောက်ဖျက်ဆီး နေသည်ဟု ဒေသခံသတင်းရင်းမြစ်များက အသိပေးသည်။
(ခင်ဦးမြို့နယ်တွင် စစ်ကြောင်းထိုးနေသည့် စစ်ကောင်စီတပ်သားများကို တွေ့ရစဥ်)
