မကွေးတိုင်း ပခုက္ကူမြို့နယ် ကျွန်းချောင်း-ဆိပ်ဖြူလမ်းမအနီးတွင် အကြမ်းဖက် စစ်ကောင်စီ ယာဥ်များအား ဒေသတွင်းပြည်သူ့ကာကွယ်ရေးအဖွဲ့မှ နှစ်ကြိမ်တိုင်မိုင်းဆွဲတိုက်ခိုက်ခဲ့ရာ ပျက်စီးထိခိုက်မှုများရှိကြောင်း မြစ်ခြေ- ကျွန်းချောင်း ပြည်သူ့ကာကွယ်ရေးတပ်ဖွဲ့က ထုတ်ပြန်သည်။
ကျွန်းချောင်း-ဆိပ်ဖြူလမ်းမဘေးရှိ ဒဲ့ပြားရွာအဝင်လမ်းမပေါ်၌ ယနေ့(မတ်လ ၃ဝ)နံနက် ၄ နာရီခန့်တွင် စစ်ကြောင်းထိုးလာသော အကြမ်းဖက်စစ်ကောင်စီ၏ ကား ၇စီးအား မြစ်ခြေ-ကျွန်းချောင်း ပြည်သူ့ကာကွယ်ရေးတပ်ဖွဲ့မှ မိုင်းဆွဲ တိုက်ခိုက်ခဲ့ကြောင်း၊ ဆက်လက်ပြီး နံနက် ၅နာရီခွဲခန့်တွင် ကျွန်းချောင်း-ဆိပ်ဖြူလမ်းမဘေးရှိ အရှေ့ကမ်းဖြူရွာအဝင်လမ်းမပေါ်၌ လှည့်လည်သွား လာနေသော စစ်ကောင်စီ၏ စစ်ကားတစ်စီးအား ထပ်မံမိုင်းဆွဲ တိုက်ခိုက် ခဲ့ကြောင်း မြစ်ခြေ- ကျွန်းချောင်းပြည်သူ့ကာကွယ်ရေးတပ်ဖွဲ့က အသိပေးသည်။
အဆိုပါဖြစ်စဥ်များတွင် ထိခိုက်ကျဆုံးမှုအခြေအနေကို အတည်မပြုနိုင်သေး ကြောင်း၊ ထပ်မံအတည်ပြုနိုင်ပါက သတင်းထုတ်ပြန်ပေးမည်ဟု သတင်းပြန်ကြားရေးတာဝန်ခံ G-3 က ပြောသည်။
“ဆိပ်ခွမှာ တပ်စွဲထားတဲ့တပ်ဘက်က လာတာလို့ထင်တယ်။ ကျွန်းချောင်း- ဆိပ်ဖြူလမ်းကနေ ခွဲထွက်ပြီး ဒဲ့ပြားရွာကိုသွားတဲ့လမ်းမှာ မနက် ၄နာရီ လောက်က ခွဲဖြစ်တာပေါ့။ အဲဒီ ၇ စီးအဖွဲ့က ကားကိုဆွဲပြီး ပြန်လှည့်သွားတာ။ ကားကမောင်းမရတော့ဘူး။ ဆွဲသွားတာမြင်တယ်။ လူအသေအပျောက် စာရင်းက မိုးတိုးမှောင်တောင်ဆိုတော့ ဘာမှမမြင်ရလို့။ ငါးခွဲမှာကျ ခုနှစ်စီးထဲကတစ်စီးက ခွဲထွက်ပြီး အရှေ့ကဗြူလမ်းအတိုင်းသွားတာ။ အဲဒီအချိန်မှာခွဲတာပါ။ ကျွန်တော်တို့ကတော့ စစ်ခွေးတွေပျူတွေရဲတွေကို အခွင့်အရေးရရင်ရသလို၊ တွေ့တဲ့နေရာ မှာရသလို တိုက်ခိုက်သွားမှာပဲ။ တော်လှန်ရေးမပြီးမချင်းပေါ့။”ဟု မြစ်ခြေ- ကျွန်းချောင်း ပြည်သူ့ကာကွယ်ရေး တပ်ဖွဲ့ ပြန်ကြားရေးတာဝန်ရှိသူ G-3 က ပြောသည်။
Public Service Announcement
မတ်လ ၂၁ ရက်တွင် ပခုက္ကူမြို့နယ် ဂဝံလေးတိုင်စံပြကျေးရွာ၊ စာသင်ကျောင်းဝင်း အတွင်း တပ်စွဲနေထိုင်သည့် စစ်ကောင်စီတပ်သား ၃၀ခန့်ကို Myit Chay -Kyun Chaung( MC/KC DF )/ PPDF/King Fighter နှင့်ပေါက်မဟာမိတ်တပ်ဖွဲ့များပူပေါင်းတိုက်ခိုက်ခဲ့ပြီး စီကောင်းလမ်းမကြီးအတိုင်း စစ်ကူတက်လာသည့် ကားတစ်စီးကိုလည်း မိုင်းဆွဲတားဆီး တိုက်ခိုက်ခဲ့သည်။
မတ်လ ၂၃ရက်ကလည်း အဆိုပါအကြမ်းဖက်စစ်ကောင်စီတပ်အား လက်နက်ကြီးများ၊ Drone များဖြင့် ဆက်လက်တိုက်ခိုက်ခဲ့ကြသည်။
