မန္တလေး ကျုံးဘေးပတ်လည်မှာ စစ်ရေးလှုပ်ရှားမှု တစ်ခုပြုလုပ်မယ်လို့ ပြည်သူတွေကို မြို့ပြပျောက်ကြားအဖွဲ့က အသိပေးထားပြီးနောက် ကျုံးပတ်လည်မှာ စစ်ကောင်စီက ဒီနေ့ညနေပိုင်းအထိကင်းပုန်းချထားတယ်လို့သိရပါတယ်။
ကင်းပုန်းချထားတဲ့အပြင် ကျုံးတောင်ဘက်ခြမ်း ၂၆ လမ်းပေါ်မှာရှိတဲ့ စားသောက်ဆိုင်တွေ ၊နေအိမ်တွေက CCTV မှတ်တမ်းတွေကို လိုက်လံစစ်ဆေးနေတယ်လို့ People’s Spring ရဲ့သတင်းရင်းမြစ်အချို့က ပြောပါတယ်။
ဒီနေ့မနက်ပိုင်းက ပြုလုပ်ဖို့စီစဉ်ထားတဲ့ စစ်ရေးလှုပ်ရှားမယ့်နေရာမှာ အားကစားလုပ်နေတဲ့သူတွေ ၊သွားလာနေတဲ့ပြည်သူတွေရှိတာကြောင့် အစီအစဉ်မအောင်မြင်ခဲ့ဘူးလို့ မန္တလေးမြို့ပြပျောက်ကြားတပ်ဖွဲ့ကထုတ်ပြန်ထားပါတယ်။
ဒီနေ့ နဲ့မနက်ဖြန်မှာ ကျုံးဘေးပတ်လည်လမ်းပိုင်းဖြစ်တဲ့ ၁၂ လမ်း ၊ ၈၀ လမ်း ၊ ၆၀ လမ်း ၊ ၆၆ လမ်း တွေကို မနက်၅နာရီမှ မနက် ၈နာရီအတွင်း ဖြတ်သန်းသွားလာတာတွေမလုပ်ဖို့ Mandalay Ranger Force- PDF က မနေ့က အသိပေးထားခဲ့ပါတယ်။
Public Service Announcement
