ဘန့်​ဘွေးရွာတိုက်ပွဲ စစ်ကူလာသည့် စစ်​ကောင်စီတပ် တိုက်ခိုက်ခံရပြီး ၂၀​ကျော်​သေဟုဆို

ယင်းမာပင်မြို့နယ် ဘန့်ဘွေး​ကျေးရွာ တိုက်ပွဲသို့ စစ်ကူလာသည့် အကြမ်းဖက်စစ်ကောင်စီတပ်ကို မိုင်းဆွဲတိုက်ခိုက်ရာ စစ်ကောင်စီတပ်သား ၂၀ကျော်သေဆုံးကြောင်း အမိမြေတော်လှန်ရေးတပ်ဖွဲ့က အသိ​ပေးထုတ်ပြန်သည်။

ယနေ့ (ဧပြီ ၅ရက်) နံနက် ၁၀နာရီခန့်တွင် အနောက် မြောက်တိုင်း စစ်ဌာနချုပ်မှ စစ်ကူအဖြစ် ထွက်လာသည့် ကားနှစ်စီးကို ဘန်ဘွေးရွာသို့လာရာလမ်း၌ အမိမြေ တော်လှန်ရေးတပ်ဖွဲ့နှင့် မဟာမိတ်တပ်ဖွဲ့ဖြစ်သည့် “ချိုမိုင်မိုင် ယင်းမာပင် ကနီ မဟာမိတ်တပ်ပေါင်းစု ” အဖွဲ့က တိုက်ခိုက်ခဲ့ခြင်း ဖြစ်သည်။

မိုင်းဆွဲတိုက်ခိုက်မှုဖြစ်စဥ်တွင် ရဲဘော်များ အထိအခိုက်မရှိအောင်မြင်စွာဆုတ်ခွာနိုင်ခဲ့သည်ဟုလည်း အသိပေးသည်။

ဘန့်ဘွေးရွာ၌ တပ်စွဲထားသော စစ်ကောင်စီနှင့် ပျူစောထီးများကို မြန်မာ့တော်ဝင်နဂါးတပ်တော် ( MRDA )ဦးဆောင်၍ ​ချင်းတွင်းတော်လှန်ရေးတပ်ဖွဲ့ (CRF)၊ ကျောက်လုံးကြီးအဖွဲ့ (KLG)တို့၏ ပူပေါင်းမှုဖြင့် ယနေ့ နံနက်အစောပိုင်း ၄ နာရီခွဲခန့် စ၍ ဝင်ရောက်စီးနင်းခဲ့သည်။

Public Service Announcement

မိနစ်၃၀ကြာမြင့်ခဲ့သည့် တိုက်ပွဲတွင် စစ်ကောင်စီးတပ်သား ကိုးဦး သေဆုံးကာ ၁၅ဦး ဒဏ်ရာရရှိကြောင်း မြန်မာ့တော်ဝင်နဂါးတပ်တော် ( MRDA )ဦးဆောင်သူ ဗိုလ်နဂါးက အတည်ပြုသည်။