ရွှေကူနယ်တွင် စစ်ကောင်စီရိက္ခာတင်စက်လှေနှစ်စီး နှစ်မြုပ်သည်အထိ တိုက်ခိုက်ခဲ့ကြောင်း မြို့လှPDF ပြော

ကချင်ပြည်နယ် ရွှေကူမြို့နယ်၊ အုပ်ချီရွာမှ စစ်ကောင်စီရိက္ခာတင်စက်လှေနှစ်စီး နှစ်မြုပ်သည်အထိ တိုက်ခိုက်ခဲ့ကြောင်း မြို့လှ PDFတပ်ဖွဲ့က ယနေ့(ဧပြီ ၇ ရက်)တွင် ထုတ်ပြန်သည်။

ယနေ့(ဧပြီ ၇ ရက်)နေ့လယ် ၁၁ နာရီခန့်၌ အုပ်ချီရွာမှ မြို့လှရွာဖက်သို့ ဆန်တက်လာစဥ် ဗိုလ်မိုဃ်းကြိုးဦးဆောင်သော မြို့လှ PDFတပ်မှ ကောက်ကွေ့ချောင်း တစ်နေရာ၌ စောင့်ကြိုပစ်ခတ်တိုက်ခိုက်ခဲ့သည်ဟု ဆိုသည်။

H-22 MM လက်လုပ်ရှေ့ထွက်မိုင်း ငါးလုံး၊ ရေ မြုပ်မိုင်း တစ်လုံးဖြင့် ပစ်ခတ်ဖောက်ခွဲခဲ့ပြီး စစ် ကောင်စီ ရိက္ခာတင်စက်လှေ နှစ်စီး နေရာမှာတွင် လုံးဝနစ်မြုပ်သွားကာ စက်လှေပေါ်ပါ စစ်ကောင်စီတပ်သားများလည်း ထိခိုက်သေဆုံးမှုရှိနိုင်သည်ဟု မြို့လှ PDF က အသိပေးသည်။

မြို့လှ PDF တပ်မှ ၁၀ မိနစ်ခန့်ကြာ ပစ်ခတ်ခဲ့ပြီးနောက် အုပ်ချီရွာမှ စစ်ကောင်စီတပ်မှ လက် နက်ကြီးများဖြင့် တရစပ်ပစ်ခတ်ခဲ့သော်လည်း မြို့လှ PDFတပ်မှ အထိအခိုက်မရှိ အောင်မြင်စွာ ဆုတ်ခွာနိုင်ခဲ့ကြောင်း ထုတ်ပြန်ချက်၌ ဖော်ပြသည်။

Public Service Announcement

ယခုလ ၃ ရက်ကလည်း ရွှေကူမြို့နယ် ကျောက်ကြီးရွာမှထွက်လာသော စစ်ကောင်စီရိက္ခာတင် စက်လှေလေးစီးကို စောင့်ကြိုတိုက်ခိုက်ရာ တစ်စီးနစ်မြှုပ်ခဲ့ကြောင်း မြို့လှ PDF က ထုတ်ပြန်ထားသည်။

စစ်ကိုင်းတိုင်းနှင့် ကချင်ပြည်နယ်အစပ် ဒေသများတွင် အကြမ်းဖက်စစ်တပ်နှင့် မကြာခဏ တိုက်ပွဲများဖြစ်ပွားနေပြီး မတ်လအတွင်းထိတွေ့မှု အနည်းဆုံးငါးကြိမ်ရှိခဲ့ မြို့လှ PDF၏ ထုတ်ပြန်ချက်အရ သိရသည်။

အကြမ်းဖက်စစ်​ကောင်စီတပ်သည် စစ်ကိုင်းတိုင်းမှ ကချင်ပြည်နယ်သို့ အင်အားနှင့် ရိက္ခာများ တင်ပို့ရာတွင် ​ရေလမ်း​ကြောင်းမှ တစ်ဆင့်တင်ပို့ အသုံးပြု​နေသည်။ ထို့သို့တင်ပို့မှုများ​ကြောင့် စစ်ကိုင်းတိုင်းနှင့် ကချင်ပြည်နယ် အတွင်းရှိ ​ဒေသကာကွယ်​ရေးတပ်များက မကြာခဏ​​စောင့်ကြို တိုက်ခိုက်​နေသည်။